Facebook અને Instagram પર કમાણી કરવાનો મોટો મોકો: Meta એ કરી મહત્વની જાહેરાત
Facebook Affiliate Partnerships: ફેસબુક અને ઇન્સ્ટાગ્રામ પર એક નવી સુવિધા રજૂ કરવામાં આવી છે. આ દ્વારા ક્રિએટર્સ તેમની પોસ્ટ અને રીલ્સમાં પ્રોડક્ટ્સ ટેગ કરી શકશે અને કોઈપણ ખરીદી પર કમિશન મેળવી શકશે.
Facebook Affiliate Partnerships: મેટાએ ફેસબુક અને ઇન્સ્ટાગ્રામ પર કમાણીનો એક નવો દરવાજો ખોલી દીધો છે. મેટાએ Facebook Affiliate Partnerships ની જાહેરાત કરી છે. આના દ્વારા ક્રિએટર્સ પોતાની પોસ્ટ અને રીલ્સમાં પ્રોડક્ટ્સને લિંક કરી શકશે. જ્યારે કોઈ તે લિંક પર જઈને પ્રોડક્ટ ખરીદશે, ત્યારે ક્રિએટરને તેનું કમિશન મળશે. Shoptalk 2026 કોન્ફરન્સમાં આની જાહેરાત કરતા કંપનીએ કહ્યું કે, ક્રિએટર મોનેટાઈઝેશન, આર્ટિફિશિયલ ઇન્ટેલિજન્સ અને ઇન-એપ શોપિંગને મિશ્રિત કરીને મેટા પોતાના સોશિયલ મીડિયા પ્લેટફોર્મ્સને એક મજબૂત ઈ-કોમર્સ ડેસ્ટિનેશન તરીકે બદલવા માંગે છે.
Facebook Affiliate Partnerships થી શું બદલાઈ જશે?
અત્યાર સુધી ક્રિએટર્સ પોતાની પોસ્ટ અને રીલ્સમાં પ્રોડક્ટને ડાયરેક્ટ ટેગ કરી શકતા નહોતા. તેમણે બાયો (Bio) અથવા કોમેન્ટમાં પ્રોડક્ટની લિંક આપવી પડતી હતી, પરંતુ હવે આ મર્યાદા ખતમ થઈ રહી છે. હવે પોસ્ટમાં જ પ્રોડક્ટને ટેગ કરી શકાશે, જેનાથી ઓડિયન્સ તે પ્રોડક્ટને જોવા સાથે ટેપ કરીને ખરીદી પણ કરી શકે છે અને તેનું કમિશન ક્રિએટરના ખિસ્સામાં જશે.
કેવી રીતે કામ કરશે આ ફીચર?
ફેસબુક અને ઇન્સ્ટાગ્રામ બંને પર આ ફીચર કામ કરશે. ક્રિએટરને રીલ્સની સાથે સાથે પોતાની ફોટો પોસ્ટમાં પણ પ્રોડક્ટને ટેગ કરવાનો ઓપ્શન આપવામાં આવશે. એકવાર કનેક્ટ થયા પછી, કન્ટેન્ટ પર એક સ્પષ્ટ દેખાતું અને ક્લિક કરી શકાય તેવું (Clickable) બેનર દેખાશે. આના પર ટેપ કરતા જ વ્યુઅરને એફિલિયેટ પાર્ટનરની એપ અથવા મોબાઈલ વેબસાઈટ પર રિડાયરેક્ટ કરવામાં આવશે, જ્યાંથી તેઓ શોપિંગ પૂર્ણ કરી શકશે.
કયા દેશોમાં રોલઆઉટ થયું ફીચર?
કંપનીએ શરૂઆતમાં આને Amazon અને Shopee માટે રોલઆઉટ કર્યું છે. એમેઝોન પર આ ફીચર અમેરિકામાં અને શોપી પર સિંગાપોર, મલેશિયા, વિયેતનામ, ઇન્ડોનેશિયા, ફિલિપિન્સ, થાઈલેન્ડ, બ્રાઝિલ અને તાઈવાનમાં લાઈવ થયું છે. કંપનીનું કહેવું છે કે તે આગામી દિવસોમાં વધુ પ્લેટફોર્મ્સ અને દેશોમાં આ ફીચર લાવશે.
પ્લેટફોર્મ સપોર્ટ
આ ફીચર શરૂઆતમાં એમેઝોન (Amazon) અને શોપી (Shopee) સાથે લોન્ચ કરવામાં આવ્યું છે, અને ટૂંક સમયમાં ઈબે (eBay) અને ટેમૂ (Temu) જેવા પ્લેટફોર્મ પણ તેમાં સામેલ થશે.
એફિલિએટેડ પાર્ટનરશિપ્સ ફીચર લોન્ચ:
માર્ક ઝુકરબર્ગની કંપની મેટાના સોશિયલ મીડિયા પ્લેટફોર્મ ફેસબુક અને ઇન્સ્ટાગ્રામ માટે નવા એફિલિએટેડ પાર્ટનરશિપ ફીચરની જાહેરાત Shoptalk 2026 કોન્ફરન્સમાં કરવામાં આવી હતી. અહીં કંપનીએ બતાવ્યું કે આ નવી સિસ્ટમ પ્લેટફોર્મ પર પ્રોડક્ટ્સના પ્રમોશન અને ખરીદીને કેટલી સરળ બનાવે છે.
ટોપ સ્ટોરી
ટ્રેન્ડિંગ સમાચાર
