Google Pixel 10 સીરિઝ ભારતમાં લોન્ચ, શાનદાર ફીચર્સ સાથે ચાર ફોનની એન્ટ્રી, આટલી છે કિંમત
Google Pixel 10: સૌથી મોટું અને મુખ્ય અપડેટ ચિપસેટનું છે. આ વખતે કંપનીએ Tensor G5 પ્રોસેસર આપ્યું છે
Google Pixel 10: ગૂગલે ભારતીય બજાર અને વૈશ્વિક બજારમાં પોતાના નવા સ્માર્ટફોન લોન્ચ કર્યા છે. કંપનીના લેટેસ્ટ ફોન સંબંધિત વિગતો છેલ્લા ઘણા દિવસોથી બહાર આવી રહી હતી. હવે કંપનીએ સત્તાવાર રીતે પોતાના સ્માર્ટફોનના સ્પેસિફિકેશન અને કિંમત જાહેર કરી છે.
ગયા વર્ષની જેમ આ વખતે પણ કંપનીએ ચાર નવા ફોન - Pixel 10, Pixel 10 Pro, Pixel 10 Pro XL અને Pixel 10 Pro Fold લોન્ચ કર્યા છે. આ સાથે કંપનીએ Pixel Watch 4 અને Buds 2a પણ રજૂ કર્યા છે. ચાલો જાણીએ કે આ ફોનમાં શું ખાસ જોવા મળશે.
સૌથી મોટું અને મુખ્ય અપડેટ ચિપસેટનું છે. આ વખતે કંપનીએ Tensor G5 પ્રોસેસર આપ્યું છે, જે ગયા વર્ષે આવેલા ટેન્સર G4 પ્રોસેસર કરતા 34 ટકા ઝડપી છે. પ્રોસેસર ઉપરાંત તમને ઘણા અન્ય અપડેટ્સ પણ જોવા મળશે. આ અપડેટ્સ દરેક મોડલ સાથે બદલાય છે.
શું છે સ્પેસિફિકેશન્સ?
Google Pixel 10માં 6.3-ઇંચ OLED સુપર Actua ડિસ્પ્લે છે, જે 120Hz રિફ્રેશ રેટ સપોર્ટ સાથે આવે છે. ફોનમાં 12GB RAM અને 256GB સ્ટોરેજ છે. હેન્ડસેટ Tensor G5 પ્રોસેસર પર કામ કરે છે. સુરક્ષા માટે તેમાં Titan M2 ચિપસેટ છે.
સ્માર્ટફોન એન્ડ્રોઇડ 16 સાથે રિલીઝ કરવામાં આવ્યો છે. તેમાં 48MP + 10.8MP + 13MP ટ્રિપલ રીઅર કેમેરા સેટઅપ છે. કંપનીએ ફ્રન્ટ પર 10.5MP સેલ્ફી કેમેરા આપ્યો છે. ફોનમાં 4970mAh બેટરી છે, જે 30W ચાર્જિંગને સપોર્ટ કરે છે.
Pixel 10 Pro અને Pixel 10 Pro XL ની વાત કરીએ તો તેમની પાસે અનુક્રમે 6.3-ઇંચ અને 6.8-ઇંચ LTPO ડિસ્પ્લે છે, જે 120Hz રિફ્રેશ રેટ સપોર્ટ સાથે આવે છે. બંને ફોનમાં 50MP + 48MP + 48MP ટ્રિપલ રીઅર કેમેરા અને 42MP ફ્રન્ટ કેમેરા છે. તેમાં અનુક્રમે 4870mAh અને 5200mAh બેટરી છે, જે 45W વાયર્ડ અને 25W વાયરલેસ ચાર્જિંગને સપોર્ટ કરે છે.
Google Pixel 10 Pro Fold માં 6.4-ઇંચ OLED કવર ડિસ્પ્લે છે, જ્યારે મુખ્ય ડિસ્પ્લે 8.0-ઇંચ છે. બંને ડિસ્પ્લે 120Hz રિફ્રેશ રેટને સપોર્ટ કરશે. તેમાં 48MP + 10.5MP + 10.8MP ટ્રિપલ રીઅર કેમેરા સેટઅપ હશે. કંપનીએ કવર અને મુખ્ય ડિસ્પ્લે બંને પર 10-મેગાપિક્સલ કેમેરા આપ્યો છે. આ ફોન 5015mAh બેટરી સાથે આવે છે.
કિંમત કેટલી છે?
Google Pixel 10 ની કિંમત ભારતમાં 79,999 રૂપિયા છે. ફોન ચાર કલર ઓપ્શનમાં આવશે - Indigo, Frost, Lemongrass અને Obsidian. Pixel 10 Pro અને Pixel 10 Pro XL ની કિંમત 1,09,999 રૂપિયા અને 1,24,999 રૂપિયા છે. તમે તેમને જેડ, મૂનસ્ટોન અને ઓબ્સિડિયન કલરમાં ખરીદી શકશો.
આ ફોન ભારતમાં ફ્લિપકાર્ટ પર ઓનલાઈન ઉપલબ્ધ થશે. તમે તેમને ગુગલના ઓફિશિયલ ઓનલાઈન સ્ટોર પરથી પણ ખરીદી શકશો. ગુગલ પિક્સેલ 10 પ્રો ફોલ્ડની કિંમત 1,72,999 રૂપિયા છે. આ ફોન 16GB RAM + 256GB સ્ટોરેજમાં ઉપલબ્ધ થશે. આ ફોન ફક્ત એક જ રંગ વિકલ્પ મૂનસ્ટોરમાં ઉપલબ્ધ થશે. આ સ્માર્ટફોનની કિંમત છે, જેના પછી ગુગલ કેટલીક ઑફર્સની પણ જાહેરાત કરશે.
ટોપ સ્ટોરી
ટ્રેન્ડિંગ સમાચાર
