WhatsApp પર ભૂલમાં ડિલીટ થઈ ગઈ ચેટ ? ટેન્શન ન લેતા, બેકઅપ વગર પણ તમે કરી શકો રિકવર
WhatsApp ઘણી જૂની અને મહત્વપૂર્ણ ચેટ્સ સ્ટોર કરે છે. તેમાં મહત્વપૂર્ણ સરનામાં, મહત્વપૂર્ણ નંબરો, સૂચન, તસવીરો અને વિડિયોમાંથી કંઈપણ હોઈ શકે છે.
WhatsApp ઘણી જૂની અને મહત્વપૂર્ણ ચેટ્સ સ્ટોર કરે છે. તેમાં મહત્વપૂર્ણ સરનામાં, મહત્વપૂર્ણ નંબરો, સૂચન, તસવીરો અને વિડિયોમાંથી કંઈપણ હોઈ શકે છે, અને આ કારણે લોકો તેને વર્ષો સુધી ડિલીટ કરતા નથી. પરંતુ ક્યારેક, ચેટ આકસ્મિક રીતે ડિલીટ થઈ જાય છે. જો તમારી સાથે આવું થાય છે તો ચિંતા કરવાની કોઈ જરૂર નથી. તમે બેકઅપ વગર પણ ડિલીટ કરેલી ચેટ્સ ફરી મેળવી શકો છો. આજે, અમે તમને બતાવવા જઈ રહ્યા છીએ કે કેવી રીતે તમે તમારી ચેટ્સ પરત મેળવી શકો છો.
શું ચેટ્સ બેકઅપ વગર ફરી મેળવી શકાય છે?
WhatsApp બેકઅપ વગર ડિલીટ કરેલી ચેટ્સ પુનઃપ્રાપ્ત કરવાનો વિકલ્પ પ્રદાન કરતું નથી, પરંતુ તે કરવાની કેટલીક રીતો છે. પ્રથમ પદ્ધતિ Android સ્માર્ટફોન પર કામ કરશે જે સ્થાનિક ચેટ ફાઇલો સંગ્રહિત કરે છે. જો તમારો ફોન સ્થાનિક ચેટ ફાઇલો સંગ્રહિત કરે છે, તો આ સરળતાથી કરી શકાય છે.
WhatsApp ચેટ્સ કેવી રીતે ફરી મેળવવી
સૌથી પહેલા તમારું ફાઇલ મેનેજર ઓપન કરો અને WhatsApp નામનું ફોલ્ડર ઓપન કરો. તેમાં ડેટાબેઝ પર જાઓ અને તાજેતરની તારીખના નામથી સેવ ફાઇલો જુઓ. જો તમને આ ફાઇલો મળે તો તે ચેટ્સનો લોકલ રેકોર્ડ છે, જે બેકઅપ બંધ કર્યા પછી પણ તમારા ફોનમાં સ્ટોર થાય છે. જો આ ફાઇલો ઉપલબ્ધ હોય તો એપ્લિકેશન ડેટા સાફ કર્યા વિના WhatsAppને અનઇન્સ્ટોલ કરો અને ફરીથી ઇન્સ્ટોલ કરો. જ્યારે તમે તમારો નંબર વેરિફાઈ કરશો તો WhatsApp આ લોક ફાઈલો ડીટેક્ટ કરી ચેટ્સ રિસ્ટોર કરવાનો પ્રયાસ કરશે. ધ્યાનમાં રાખો કે આ પદ્ધતિ ફક્ત ત્યારે જ કાર્ય કરશે જો સ્થાનિક ફાઇલો ડિલીટ કરતા પહેલા તમારા ફોનમાં સેવ કરવામાં આવી હોય અને તમારા ફોન પર ઉપલબ્ધ હોય.
એક બીજો રસ્તો પણ છે
આ ઉપરાંત, જો તમે તમારી ચેટ્સ કોઈની સાથે શેર કરી હોય તો તેને આ કન્વર્સેશનને એક્સપોર્ટ કરવાનું કહો. તમે WhatsApp પર ટેક્સ્ટ ફોર્મેટમાં ચેટ્સ એક્સપર્ટ કરી શકો છો. આ ચેટ્સને સંપૂર્ણપણે રિસ્ટોર કરશે નહીં, પરંતુ તમને કન્ટેન્ટ મળી જશે.
ટોપ સ્ટોરી
ટ્રેન્ડિંગ સમાચાર
