iPhone 16 સીરિઝમાં હશે આ પાંચ મોટા ફીચર્સ, લોન્ચ અગાઉ સામે આવી ડિટેલ

iPhone 15 સીરિઝની સરખામણીમાં iPhone 16 સીરિઝમાં ઘણા ખાસ ફીચર્સ હશે

ફોટોઃ X

Source : ફોટોઃ X

iPhone 16 Series Top-5 Features: Apple એ મેગા ઈવેન્ટની તારીખ કન્ફર્મ કરી છે. 'ઈટ્સ ગ્લો ટાઈમ' ઈવેન્ટ 9મી સપ્ટેમ્બરે થવા જઈ રહી છે. આ વર્ષે જાયન્ટ ટેક કંપની AirPods અને Apple Watch સાથે આગામી ઇન-લાઇન iPhone 16 સીરિઝ (iPhone 16 Series) રજૂ કરશે. પરંતુ આ વખતે ઇવેન્ટ ખૂબ જ ખાસ બની રહી છે. આ એટલા માટે છે કારણ કે iPhone 16 ઇન-બિલ્ટ AI, Apple Intelligence સાથે આવનાર પ્રથમ Apple ડિવાઇસ હશે. છેલ્લી વખત WWDC 2024 દરમિયાન કંપનીએ iOS 18 રજૂ કર્યું હતું, જે AI સાથે ડિઝાઇન કરવામાં આવ્યું છે.

iPhone 15 સીરિઝની સરખામણીમાં iPhone 16 સીરિઝમાં ઘણા ખાસ ફીચર્સ હશે. અગાઉના લાઇનઅપની તુલનામાં આ વખતે ઘણા અપગ્રેડની અપેક્ષા છે. આવી સ્થિતિમાં, ચાલો જાણીએ કે iPhone 16 સીરિઝમાં કયા 5 મુખ્ય અપગ્રેડ આવી રહ્યા છે.

ડિઝાઇનમાં ફેરફાર થશે

iPhone 16 ના બેઝ મોડલમાં ફેરફારની અપેક્ષા છે. આઇફોન 16 અને આઇફોન 16 પ્લસમાં બેક પેનલ પર વર્ટિકલ લાઇન સાથે ડ્યુઅલ કેમેરા સાથે નવો લુક જોઇ શકાય છે. એવું પણ કહેવામાં આવી રહ્યું છે કે આ મોડલમાં પાતળા બેઝલ અને મોટી સ્ક્રીન સામેલ હોઇ શકે છે

સારો ચિપસેટ મળશે

iPhone 16 સીરિઝમાં વધુ સારો A18 Bionic ચિપસેટ હોવાની અપેક્ષા છે. જોકે, કંપનીએ હજુ સુધી તેની પુષ્ટી કરી નથી. લીક થયેલી માહિતી અનુસાર, A18 સાથે ફોનનો પાવર બમણો થવા જઈ રહ્યો છે. જો આવું થાય તો iPhone 16 સીરિઝ ગેમિંગ અને મલ્ટીટાસ્કિંગ માટે એક શ્રેષ્ઠ વિકલ્પ બની શકે છે.

કેમેરા સિસ્ટમ ખાસ હશે

આઇફોનના કેમેરાની ઘણીવાર પ્રશંસા થાય છે. પરંતુ આઇફોન 16 સાથે Apple તેને વધુ સારું બનાવવાની આશા રાખે છે. લીક થયેલી વિગતો અનુસાર, iPhone 16ના પ્રો મોડલમાં 48-મેગાપિક્સલની ટ્રિપલ-કેમેરા સિસ્ટમ મળી શકે છે. ઉપરાંત, તેમાં AI-સંચાલિત ફીચર્સ હોવાની અપેક્ષા છે.

તમને એક્શન અને કેપ્ચર બટન મળશે

લીક થયેલી માહિતી અનુસાર, iPhone 16 ડિવાઇસમાં એક્શન બટન પણ ઉપલબ્ધ થવાનું છે. આ બટને ડિવાઇસમાં મ્યૂટ ટૉગલ બારને બદલી દીધું છે. એવું પણ માનવામાં આવે છે કે iPhone 16 સીરિઝમાં કેપ્ચર બટન પણ હશે. આ કેપ્ચર બટન લેન્ડસ્કેપ ફોટોગ્રાફી અને વિડીયોગ્રાફીના અનુભવને વધારશે.

AI ફીચર્સ મળશે

હવે એપલ પણ AIની રેસમાં પાછળ નથી. iPhone 16 સીરિઝમાં AI ફીચર્સ જોવા મળશે. આ સીરિઝમાં સીરીને ChatGPT સાથે જોડવામાં આવશે.