Aarogya Setu એપમાં ઉમેરાશે આ સ્પેશ્યલ ફિચર, લૉકડાઉનમાં થશે આ મોટો ફાયદો

આ ઇ-પાસ મારફતે લૉકડાઉનમાં યૂઝર્સ જરૂરી કામ માટે અવરજવર કરી શકશે. આ પહેલા ઇ-પાસ વૉટ્સએપ મેસેજ કે પછી ઓનલાઇન જ લેવામાં આવતા હતા. હવે સરકાર જલ્દી ઇ-પાસ આરોગ્ય સેતુ એપમાં એડ કરશે

નવી દિલ્હીઃ કેન્દ્ર સરકાર દ્વારા કોરોના વાયરસને ટ્રેક કરવા માટે બનાવવામાં આવેલી Aarogya Setu એપમાં યૂઝર્સને બહુ જલ્દી એક નવુ ફિચર મળવાનુ છે. એપમાં યૂઝર્સ માટે ઇ-પાસની સુવિધા આપવામાં આવશે. એક સરકારી અધિકારીએ Aarogya Setu એપમાંથી ઇ-પાસ મળવાની વાતની પુષ્ટિ કરી હતી. આ ઇ-પાસ મારફતે લૉકડાઉનમાં યૂઝર્સ જરૂરી કામ માટે અવરજવર કરી શકશે. આ પહેલા ઇ-પાસ વૉટ્સએપ મેસેજ કે પછી ઓનલાઇન જ લેવામાં આવતા હતા. હવે સરકાર જલ્દી ઇ-પાસ આરોગ્ય સેતુ એપમાં એડ કરશે. અત્યાર સુધી એપમાં આ ફિચર 'Coming Soon' ટેગની સાથે દેખાતુ હતુ. પણ એપમાં આની જગ્યા 'No e-pass available' દેખાઇ રહી છે. આ પછી કયાસ લગાવવામાં આવી રહ્યો છે કે આ ફિચર બહુ જલ્દી યૂઝર્સ માટે અવેલેબલ થઇ જશે. હાલમાં જ આરોગ્ય સેતુ એપની પ્રાઇવેસી પોલીસીને અપડેટ કરવામાં આવી છે. જેમાં દરેક પ્રકારની મહિતી અને ડેટા એડ કરવામાં આવ્યો છે.