વડીલો માટે વરદાન બની રહ્યા છે આ સ્માર્ટ ગેજેટ્સ! SOS Stick થી લઈને સ્માર્ટ રિંગ્સ સુધી,એકલા રહેવાનો ડર થશે ખતમ
Gadgets For Senior Citizens: ચાલતી વખતે ટેકાની જરૂર અનુભવતા વૃદ્ધ વ્યક્તિઓ માટે સ્માર્ટ વૉકિંગ સ્ટીક હવે પરંપરાગત લાકડીનું સ્થાન લઈ રહી છે.
Gadgets For Senior Citizens: ટેકનોલોજી હવે માત્ર યુવાનો પૂરતી સીમિત રહી નથી. આજકાલ બજારમાં એવા ઘણા સ્માર્ટ ડિવાઇસીસ આવી ગયા છે જે ખાસ કરીને વરિષ્ઠ નાગરિકોની જરૂરિયાતોને ધ્યાનમાં રાખીને બનાવવામાં આવ્યા છે. આ ગેજેટ્સનો હેતુ માત્ર કામ કરવાનો નથી, પરંતુ વડીલોના જીવનને વધુ સુરક્ષિત, સરળ અને સ્વતંત્ર બનાવવાનો છે.
હવે સ્માર્ટ વૉકિંગ સ્ટિકથી લઈને હેલ્થ ટ્રેકિંગ રિંગ, રોબોટ વેક્યૂમ ક્લીનર અને સ્માર્ટ સ્પીકર્સ સુધી ઘણી એવી પ્રોડક્ટ્સ હાજર છે જે રોજિંદા કામોને સરળ બનાવી રહી છે. ભારતમાં પણ આ ડિવાઇસીસ ઓનલાઈન અને ઓફલાઈન બંને પ્લેટફોર્મ પર ઝડપથી લોકપ્રિય થઈ રહી છે.
આ પણ વાંચો... હવે તમારી આદત પ્રમાણે આપમેળે ચાલશે ફોન, Android માં આવી રહ્યું છે ધાંસુ ફિચર
SOS ફીચરવાળી સ્માર્ટ વૉકિંગ સ્ટિક
ચાલવામાં સહારાની જરૂર અનુભવતા વડીલો માટે હવે સામાન્ય લાકડીની જગ્યાએ સ્માર્ટ વૉકિંગ સ્ટિક આવવા લાગી છે. તેમાં ઘણી આધુનિક વિશેષતાઓ આપવામાં આવે છે જે સુરક્ષામાં સુધારો કરે છે. કેટલાક મોડલ્સમાં SOS એલાર્મ, LED ટોર્ચ, એન્ટી-સ્લિપ ગ્રિપ અને ફોલ્ડ થઈ શકે તેવી ડિઝાઇન મળે છે. આનાથી રાત્રે ચાલવું સરળ બને છે અને લપસી જવાનો ભય પણ ઓછો થઈ જાય છે.
Antara AGEasy ની ફોલ્ડેબલ વૉકિંગ સ્ટિકમાં SOS એલર્ટ અને મજબૂત રબર ગ્રિપ આપવામાં આવી છે. જ્યારે MCP Jindal ની સ્માર્ટ સ્ટિકમાં LED ટોર્ચ, FM રેડિયો, રિચાર્જેબલ બેટરી અને એડજસ્ટેબલ હાઇટ જેવા ફીચર્સ હાજર છે.
સ્માર્ટ રિંગ્સ રાખશે સ્વાસ્થ્ય પર નજર
આજકાલ સ્માર્ટવોચ સિવાય સ્માર્ટ રિંગ્સ પણ ઘણી લોકપ્રિય થઈ રહી છે. આ નાના અને હળવા વેરેબલ ડિવાઇસ હોય છે જે ઊંઘ, હાર્ટ રેટ, સ્ટ્રેસ અને એક્ટિવિટી જેવી બાબતોને ટ્રેક કરી શકે છે. Samsung ની Galaxy Ring ખાસ કરીને સ્લીપ ટ્રેકિંગ અને AI આધારિત હેલ્થ મોનિટરિંગ પર ફોકસ કરે છે. જ્યારે Oura ની સ્માર્ટ રિંગ્સ લાંબા સમય સુધી હેલ્થ અને રિકવરી પર નજર રાખવા માટે જાણીતી છે.
અવાજથી કામ કરતા સ્માર્ટ સ્પીકર્સ
ઘણા વડીલોને મોબાઈલ કે ટચસ્ક્રીન ડિવાઇસ વાપરવામાં મુશ્કેલી પડતી હોય છે. એવામાં વોઈસ આસિસ્ટન્ટવાળા સ્માર્ટ સ્પીકર્સ ખૂબ મદદરૂપ સાબિત થઈ રહ્યા છે. આ ડિવાઇસીસની મદદથી માત્ર બોલીને હવામાનની જાણકારી, દવાઓનું રિમાઇન્ડર, ગીતો કે ફોન કોલ જેવી સુવિધાઓનો ઉપયોગ કરી શકાય છે. Amazon ની Echo સિરીઝ Alexa સપોર્ટ સાથે આવે છે અને હિન્દી તથા ઇંગ્લિશમાં કામ કરી શકે છે. જ્યારે Google ના Nest સ્પીકર્સ Google Assistant દ્વારા ઘણી ઓનલાઈન સેવાઓ સુધી પહોંચ આપે છે.
સ્માર્ટવોચથી હેલ્થ મોનિટરિંગ થશે સરળ
હવે સ્માર્ટવોચ માત્ર ફિટનેસ ગેજેટ રહી નથી. વડીલો માટે તે નાની હેલ્થ મોનિટરિંગ મશીન જેવું કામ કરી શકે છે. તેમાં હાર્ટ રેટ, બ્લડ ઓક્સિજન, ઊંઘ અને પડવાની સ્થિતિ (fall detection) ને ઓળખવા જેવા ફીચર્સ મળે છે. ઘણા મોડલ્સમાં ઇમરજન્સી SOS સુવિધા પણ આપવામાં આવે છે.
Apple ની Apple Watch માં ECG અને Fall Detection જેવા ફીચર્સ હાજર છે. જ્યારે Samsung ની Galaxy Watch સિરીઝ હેલ્થ અને સ્લીપ ટ્રેકિંગ માટે લોકપ્રિય છે.
Bluetooth વાળા આધુનિક Hearing Aids
હવે હિયરિંગ એઇડ્સ પણ પહેલા કરતા ઘણા સ્માર્ટ થઈ ગયા છે. નવા મોડલ્સમાં Bluetooth સપોર્ટ આપવામાં આવી રહ્યો છે, જેથી કોલ, ટીવી કે મ્યુઝિક સીધું હિયરિંગ ડિવાઇસમાં સાંભળી શકાય છે. Signia ના ડિવાઇસીસ એપ કંટ્રોલ અને રિચાર્જેબલ બેટરી સાથે આવે છે. જ્યારે Phonak તેના ક્લિયર ઓડિયો અને વાયરલેસ કનેક્ટિવિટી ફીચર્સ માટે જાણીતું છે.
વડીલો માટે સરળ સ્માર્ટફોન
દરેક વડીલને હાઈ-ટેક સ્માર્ટફોનની જરૂર હોતી નથી. આ જ કારણે કેટલીક કંપનીઓ એવા ફોન બનાવી રહી છે જેમાં મોટા બટન, તેજ અવાજ અને સરળ ઇન્ટરફેસ મળે છે. Nokia આજે પણ સિમ્પલ કીપેડ અને ફ્લિપ ફોન ઉપલબ્ધ કરાવે છે. જ્યારે Easyfone એવા ફોન બનાવે છે જેમાં SOS કોલિંગ અને સરળ મેનૂ જેવા ફીચર્સ મળે છે.
રોબોટ વેક્યૂમ ક્લીનરથી મહેનત ઘટશે
ઘરની સફાઈ વડીલો માટે થકવી દેનારૂ કામ હોઈ શકે છે. એવામાં રોબોટ વેક્યૂમ ક્લીનર ખૂબ મદદરૂપ સાબિત થઈ રહ્યા છે. આ ડિવાઇસ પોતાની મેળે ફ્લોર સાફ કરી શકે છે અને ઘણા મોડલ્સ પોતું કરવાનું કામ પણ કરે છે.
Dreame ના રોબોટ ક્લીનર LiDAR નેવિગેશન અને ઓટો ડસ્ટ કલેક્શન જેવા ફીચર્સ સાથે આવે છે. જ્યારે ECOVACS ની Deebot સિરીઝ સ્માર્ટ મેપિંગ અને વેક્યૂમ-પોતું બંને સુવિધાઓ આપે છે.
વીડિયો ડોરબેલ અને સ્માર્ટ કેમેરા વધારી રહ્યા છે સુરક્ષા
એકલા રહેતા વડીલો માટે વીડિયો ડોરબેલ અને સ્માર્ટ કેમેરા સુરક્ષાનો નવો સહારો બની રહ્યા છે. આની મદદથી દરવાજો ખોલ્યા વગર બહાર ઉભેલી વ્યક્તિને જોઈ શકાય છે. સાથે જ પરિવારના સભ્યો પણ દૂરથી ઘરની દેખરેખ રાખી શકે છે. Qubo ભારતમાં સ્માર્ટ સિક્યોરિટી ડિવાઇસીસ ઉપલબ્ધ કરાવે છે. જ્યારે TP-Link ની Tapo સિરીઝ મોશન એલર્ટ, ટુ-વે કોમ્યુનિકેશન અને નાઈટ વિઝન જેવા ફીચર્સ આપે છે.
ટોપ સ્ટોરી
ટ્રેન્ડિંગ સમાચાર
