Airtelનો ધમાકો, Jioને ઝટકો આપવા લૉન્ચ કર્યો 99 રૂપિયા વાળો પ્લાન, જાણો શું મળશે બેનિફિટ્સ

એરટેલે 99 રૂપિયાનો નવો ડેટા પેક લૉન્ચ કર્યો છે, જેમાં માત્ર ડેટા બેનિફિટ્સનો સમાવેશ થાય છે. આ પ્લાનમાં તમને 1 દિવસ માટે અનલિમીટેડ ડેટા મળે છે,

પ્રતિકાત્મક તસવીર

Internet Data Plan: ભારતમાં અત્યારે ટેલિકૉમ કંપનીઓ વચ્ચે ડેટા વૉર ચાલી રહ્યુ છે, જિઓના આવ્યા પછી એરટેલ, વૉડાફોન અને આઇડિયા સહિતની કંપનીઓના ડેટા પ્લાન એકદમ સસ્તા દર પર આવી ગયા છે. હવે આ બધાની વચ્ચે એરટેલે ધમાકો કર્યો છે. ભારતી એરટેલે પોતાના યૂઝર્સ માટે એક નવો ડેટા પેક પ્લાન લૉન્ચ કર્યો છે, જેને પ્રીપેડ પ્લાનના પૉર્ટફોલિયોમાં વધારો કર્યો છે. નવા પેકની કિંમત 99 રૂપિયા છે અને તે વધારાના ડેટા બેનિફિટ્સ સાથે આવી રહ્યો છે. આ ડેટા પેક હવે કંપનીની ઓફિશિયલ વેબસાઇટ પર લિસ્ટેડ છે અને પ્રીપેડ યૂઝર્સ માટે ઉપલબ્ધ છે. નવો ડેટા પેક ARPU (એવરેજ રેવન્યૂ પર યૂઝર્સ) વધારવાના ઉદ્દેશ્ય સાથે આવ્યો છે. જાણો એરટેલના આ નવા 99 રૂપિયાના ડેટા પેક વિશે...

એરટેલનો 99 રૂપિયાનો ડેટા પેક પ્લાન - 
એરટેલે 99 રૂપિયાનો નવો ડેટા પેક લૉન્ચ કર્યો છે, જેમાં માત્ર ડેટા બેનિફિટ્સનો સમાવેશ થાય છે. આ પ્લાનમાં તમને 1 દિવસ માટે અનલિમીટેડ ડેટા મળે છે, પરંતુ ફેર યૂસેજ પૉલિસી (FPU) અંતર્ગત તે 30GB સુધી લિમીટેડ છે. ઉપરાંત, પૉસ્ટ વાજબી ઉપયોગ નીતિ હેઠળ તમારી સ્પીડ અનલિમીટેડ ડેટા સાથે 64Kbps સુધી ઘટી જાય છે.

ધ્યાન રહે, કે આ ડેટા પેકનો ઉપયોગ કરવા માટે યૂઝર્સ પાસે એક એક્ટિવ બેઝ પ્લાન હોવો જરૂરી છે, કારણ કે આ પેક 1 દિવસની માન્યતા હોવા છતાં સ્ટેન્ડઅલૉન ઓપ્શન તરીકે ઉપલબ્ધ નથી.

એરટેલ પોતાના ગ્રાહકોને અનલિમીટેડ 5G ડેટા પ્રદાન કરી રહી છે. આ સુવિધા એવા તમામ ક્ષેત્રોમાં લાગુ છે જ્યાં 5G સેવાઓ ઉપલબ્ધ છે, પરંતુ આ માટે 5G ઉપકરણ હોવું જરૂરી છે. આ અનલિમિટેડ 5G ડેટામાં હવે 99 રૂપિયાના ડેટા પેક જેવી કોઈ લિમિટ નથી.

એરટેલના અન્ય ડેટા પેક પ્લાન - 
99 રૂપિયાના ડેટા પેક ઉપરાંત એરટેલ પાસે 98 રૂપિયાનું પેક પણ ઉપલબ્ધ છે, જેમાં 5જી ડેટા અને એરટેલ વિંક મ્યૂઝિક સબસ્ક્રિપ્શનનો સમાવેશ થાય છે. આ પછી 181 રૂપિયાનો પ્લાન છે જેમાં 30 દિવસ માટે ડેઇલી 1GB ડેટા મળી શકે છે. એરટેલ પાસે કેટલાક વધુ સસ્તું પ્લાન પણ ઉપલબ્ધ છે, જેમ કે 19 રૂપિયાનો પ્લાન જે 1 દિવસ માટે 1GB ડેટા સાથે આવે છે.