JioStar ડૉમેન થઇ ગયું લાઇવ, બનશે Reliance Jio અને Disney+ Hotstar નું સ્ટ્રીમિંગ પ્લેટફોર્મ ?
JioStar.Com: Jio અને Hotstarના મર્જરના સમાચાર વચ્ચે દિલ્હી સ્થિત એક એપ ડેવલપરે JioHotstar.com ડૉમેન ખરીદ્યું હતું
JioStar.Com: રિલાયન્સ જિઓ અને સ્ટાર ઈન્ડિયા ઈન્ડિયાનું મર્જર હવે અંતિમ તબક્કામાં છે, જેના કારણે જિઓ સિનેમા અને ડિઝની પ્લસ હૉટસ્ટારનું મર્જર થવાની સંભાવના છે. આ દરમિયાન નવું ડૉમેન JioStar.com લાઇવ કરવામાં આવ્યું છે, જેમાં Jio Star Coming Soon દેખાઈ રહ્યું છે. એવી અટકળો છે કે 14 નવેમ્બરથી આ વેબસાઇટ દ્વારા Jio અને Hotstarની સ્ટ્રીમિંગ સર્વિસ ઉપલબ્ધ થઈ શકે છે.
JioCinema પર એન્ટરટેન્ટમેન્ટ, Disney+ Hotstar પર સ્પૉર્ટ્સ
જો અહેવાલો પર વિશ્વાસ કરવામાં આવે તો રિલાયન્સ જિઓ IPL અને ISL જેવી તમામ સ્પૉર્ટ્સ ઈવેન્ટ્સને Disney+ Hotstar દ્વારા સ્ટ્રીમ કરશે, જ્યારે વેબસીરીઝ, ટીવી સીરિયલો અને મૂવીઝ JioCinema પર બતાવવામાં આવશે. ડિઝની+ હૉટસ્ટારનું ઈન્ફ્રાસ્ટ્રક્ચર સ્પૉર્ટ્સ સ્ટ્રીમિંગ માટે વધુ સારું છે, તેથી તેનો ઉપયોગ ખાસ કરીને આ હેતુ માટે કરવામાં આવશે.
JioHotstar ડૉમેન પહેલાથી જ વેચાઇ ગયુ છે
Jio અને Hotstarના મર્જરના સમાચાર વચ્ચે દિલ્હી સ્થિત એક એપ ડેવલપરે JioHotstar.com ડૉમેન ખરીદ્યું હતું, જેને તેણે હરાજીમાં વેચવાની યોજના બનાવી હતી. પાછળથી સમાચાર આવ્યા કે આ ડૉમેન દુબઈમાં રહેતા બે બાળકોએ ખરીદ્યું હતું અને કંપનીને મફતમાં આપવાનો દાવો કર્યો હતો. Jiostar.com લાઇવ થયા પછી એવી ચર્ચા છે કે Jio આ ડૉમેન દ્વારા તેની સ્ટ્રીમિંગ સર્વિસ શરૂ કરશે.
ડૉમેન વેચનારાઓને ઝટકો
છેલ્લા કેટલાય વર્ષોથી Disney+ Hotstar પર લાઇવ ક્રિકેટ મેચો સ્ટ્રીમ કરવામાં આવી રહી છે. ડિઝની પ્લસ હૉટસ્ટાર પાસે હજુ પણ તમામ ICC ઇવેન્ટ્સના સ્ટ્રીમિંગ રાઇટ્સ છે. હાલમાં જ એક રિપોર્ટમાં કહેવામાં આવી રહ્યું છે કે આ બે OTT પ્લેટફોર્મ JioHostarના નામે મર્જ કરવામાં આવશે. આ મર્જરને ધ્યાનમાં રાખીને, દિલ્હી સ્થિત એક એપ ડેવલપરે આ ડૉમેન ખરીદ્યું અને તેને હરાજી માટે મૂક્યું. આ ડૉમેનની હરાજીમાંથી મળેલી રકમનો ઉપયોગ તે તેના ઉચ્ચ અભ્યાસ માટે કરવા જઈ રહ્યો હતો.
આ પછી, આ ડૉમેન દુબઈ સ્થિત બે રેસિડેન્ટ્સે ખરીદ્યું હતું અને કંપનીને મફતમાં આપવાનો દાવો કર્યો હતો. તાજેતરમાં જિઓ અને હૉટસ્ટારના ડૉમેનને લઈને સોશિયલ મીડિયા પર ઘણી અટકળો બહાર આવી રહી હતી. JioStar નામની નવી વેબસાઈટ લૉન્ચ થયા બાદ એવું લાગે છે કે Jio હવે આ ડૉમેન દ્વારા તેની સ્ટ્રીમિંગ સર્વિસ ઉપલબ્ધ કરાવશે. તાજેતરમાં ChatGPT બનાવતી કંપની OpenAIએ Chat.comના ડૉમેન માટે રૂ. 120 કરોડથી વધુનો ખર્ચ કર્યો છે.
આ પણ વાંચો
ઓર્ડિનન્સ, એક્ટ અને બિલ શું હોય છે ? જાણી લો આ ત્રણેયમાં તફાવત
ટોપ સ્ટોરી
ટ્રેન્ડિંગ સમાચાર
