Netflix યુઝર્સ માટે ખરાબ સમાચાર, બે જૂનથી આ ડિવાઇસ પર બંધ થઇ જશે સર્વિસ!
નેટફ્લિક્સે સ્પષ્ટ કર્યું છે કે 2 જૂન, 2025થી કેટલાક જૂના ડિવાઇસ પર તેની સર્વિસ બંધ થઇ જશે.
જો તમે પણ તમારા જૂના Fire TV Stick મારફતે નેટફ્લિક્સનો આનંદ માણી રહ્યા છો તો આ સમાચાર તમારા માટે થોડા નિરાશાજનક હોઈ શકે છે. નેટફ્લિક્સે સ્પષ્ટ કર્યું છે કે 2 જૂન, 2025થી કેટલાક જૂના Amazon Fire TV ડિવાઇસ પર તેની સર્વિસ બંધ થઇ જશે.
આ નિર્ણય કેમ લેવામાં આવ્યો?
વાસ્તવમાં નેટફ્લિક્સ હવે એક નવું અને વધુ એડવાન્સ વિડિયો ફોર્મેટ AV1 અપનાવવા જઈ રહ્યું છે. આ ટેકનોલોજી ઓછા ડેટામાં સારી ગુણવત્તાવાળા વિડિયો બતાવવાની ક્ષમતા ધરાવે છે, પરંતુ સમસ્યા એ છે કે જૂના ડિવાઇસ તેને સપોર્ટ કરતા નથી. ખાસ કરીને તે Amazon Fire TV મોડલો જે 2014 અને 2016માં લોન્ચ થયા હતા.
કયા યુઝર્સને અસર થશે?
જેમની પાસે ફર્સ્ટ જનરેશન Fire TV Stick, 2014નું Fire TV અથવા 2016માં આવેલું Alexa Voice Remote ધરાવતું Fire TV Stick છે તેમને નેટફ્લિક્સ યુઝ કરવામાં મુશ્કેલી પડશે. આ ડિવાઇસ 2 જૂન પછી Netflix ને સપોર્ટ કરશે નહીં.
હવે શું કરશો?
જો તમે આ જૂના ડિવાઇસનો ઉપયોગ કરી રહ્યા છો અને Netflix તમારા મનોરંજનનો એક મહત્વપૂર્ણ ભાગ છે, તો તમારા સેટઅપને અપગ્રેડ કરવાનો આ યોગ્ય સમય છે. Fire TV Stick 4K જેવા નવા યુગના ડિવાઇસ વધુ સારી ગતિ, શાનદાર પિક્ચર ક્વોલિટી અને લેટેસ્ટ ટેકનોલોજી સાથે આવે છે. હાલમાં આ ડિવાઇસ અમેઝોન અને ફ્લિપકાર્ટ પર લગભગ 5999 રૂપિયામાં ઉપલબ્ધ છે (જોકે કિંમતમાં વધઘટ થઈ શકે છે).
ટેકનોલોજી ઝડપથી બદલાઈ રહી છે અને સમય જતાં જૂના ડિવાઇસ આઉટડેટેડ થઈ રહ્યા છે. જો તમે નેટફ્લિક્સ પર તમારા મનપસંદ શો કે મૂવીને કોઈપણ અડચણ વિના જોવા માંગતા હોવ તો હવે નવા ડિવાઇસમાં રોકાણ કરવું જરૂરી બની ગયું છે.
ટોપ સ્ટોરી
ટ્રેન્ડિંગ સમાચાર
