SIM Card પર મોટા સમાચાર, એક જૂલાઇથી નહી કરી શકો આ કામ, બદલાઇ જશે નિયમ

1 જૂલાઈ, 2024થી દેશભરમાં લાગુ કરવામાં આવશે. ટ્રાઈનું કહેવું છે કે નિયમોમાં ફેરફાર કરીને છેતરપિંડીની ઘટનાઓને રોકી શકાય છે.

પ્રતિકાત્મક તસવીર

Source : Social Media

New Sim Card Rules, 1st July 2024: મોબાઈલ સિમ કાર્ડ માટે નવા નિયમો જાહેર કરવામાં આવ્યા છે. ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) દ્વારા 15 માર્ચ, 2024 ના રોજ નવા નિયમો જાહેર કરવામાં આવ્યા છે, જે 1 જૂલાઈ, 2024થી દેશભરમાં લાગુ કરવામાં આવશે. ટ્રાઈનું કહેવું છે કે નિયમોમાં ફેરફાર કરીને છેતરપિંડીની ઘટનાઓને રોકી શકાય છે. જો કે આના કારણે સામાન્ય યુઝર્સને મુશ્કેલીનો સામનો કરવો પડી શકે છે.

નિયમોમાં શું બદલાવ આવ્યો?

નવા નિયમો હેઠળ જે મોબાઇલ યુઝર્સ તાજેતરમાં તેમના સિમ કાર્ડ સ્વેપ કર્યા છે તેઓ તેમના મોબાઇલ નંબરને પોર્ટ કરી શકશે નહીં. નોંધનીય છે કે સિમ એક્સચેન્જ કરવાને સિમ સ્વેપિંગ કહેવામાં આવે છે. જ્યારે સિમ કાર્ડ ખોવાઈ જાય અથવા તૂટી જાય ત્યારે સિમ સ્વેપિંગ થાય છે. જો આવું થાય તો તમે તમારા ટેલિકોમ ઓપરેટરને તમારા જૂના સિમને નવા સિમ સાથે બદલવા માટે કહો છો.

શું ફાયદો થશે?

ટ્રાઈનું કહેવું છે કે છેતરપિંડીની ઘટનાઓને રોકવા માટે આવું પગલું ભરવામાં આવ્યું છે. નવો નિયમ છેતરપિંડી કરનારાઓને રિપ્લેસ કર્યા પછી તરત જ મોબાઇલ કનેક્શનને સિમ સ્વેપિંગ અથવા પોર્ટિંગ કરતા અટકાવવા માટે મુકવામાં આવ્યો છે.

સિમ સ્વેપિંગ શું છે?

આજના યુગમાં સિમ સ્વેપિંગની છેતરપિંડી વધી ગઇ છે. જેમાં છેતરપિંડી કરનારાઓ સરળતાથી તમારા પાન કાર્ડ અને આધાર ફોટો કેપ્ચર કરી લે છે. આ પછી મોબાઇલ ખોવાઈ જવાના બહાને તેઓને નવું સિમ કાર્ડ આપવામાં આવે છે. આ પછી તમારા નંબર પર પ્રાપ્ત OTP છેતરપિંડી કરનારાઓ સુધી પહોંચે છે.

ટ્રાઈની ભલામણ

TRAI એ ડિપાર્ટમેન્ટ ઑફ ટેલિકોમ્યુનિકેશન્સ (DoT) ને એક નવી સેવા શરૂ કરવાની ભલામણ કરી છે જેમાં મોબાઇલ યુઝર્સના હેન્ડસેટ પર દરેક ઇનકમિંગ કૉલનું નામ પ્રદર્શિત થાય છે, પછી ભલે તે નામ કોન્ટેક્ટ લિસ્ટમાં સેવ હોય કે ના હોય. આનાથી છેતરપિંડીની ઘટનાઓ પર અંકુશ મેળવી શકાશે. પરંતુ આનાથી પ્રાઇવેસીને લઇને પ્રશ્નો ઉભા થયા છે.