ડોક્યુમેન્ટ અથવા ફોટોને ઓનલાઇન કન્વર્ટ કરવું પડી શકે છે મોંઘુ, જાણો કોણે જાહેર કરી ચેતવણી?

કોઈ દસ્તાવેજને PDFમાં કન્વર્ટ કરવાનો હોય કે કોઈ ફોટોને JPEG માં લોકો તરત જ કેટલાક કીવર્ડ્સ ટાઇપ કરે છે અને ઓનલાઈન ફાઇલ કન્વર્ટર ખુલી જાય છે

પ્રતિકાત્મક તસવીર

Source : Source : FreePik

કોઈ દસ્તાવેજને PDFમાં કન્વર્ટ કરવાનો હોય કે કોઈ ફોટોને JPEG માં લોકો તરત જ કેટલાક કીવર્ડ્સ ટાઇપ કરે છે અને ઓનલાઈન ફાઇલ કન્વર્ટર ખુલી જાય છે. વિચાર્યા વિના ફાઇલ અહીં અપલોડ થાય છે અને ક્લિક કરતાની સાથે જ તે ઇચ્છિત ફોર્મેટમાં ડાઉનલોડ થાય છે. તે જોવામાં અને કરવામાં જેટલું સરળ લાગે છે, તેટલું જ ખતરનાક પણ હોઈ શકે છે. અમેરિકન એજન્સી એફબીઆઈએ આ અંગે ચેતવણી જાહેર કરી છે અને કહ્યું છે કે ઓનલાઈન ફાઇલ કન્વર્ટરમાં કૌભાંડો છૂપાયેલા હોઈ શકે છે.

FBI એ જણાવ્યો ખતરો

એફબીઆઈએ જણાવ્યું હતું કે આ મફત ઓનલાઈન સેવાઓનો ઉપયોગ ફાયદા કરતાં વધુ નુકસાન કરી શકે છે. એજન્સીના આસિસ્ટન્ટ સ્પેશિયલ એજન્ટ માર્વિન માસે જણાવ્યું હતું કે આ કન્વર્ટરમાંથી ફાઇલો ડાઉનલોડ કરવાથી સિસ્ટમમાં માલવેર ઇન્સ્ટોલ થવાનું જોખમ રહેલું છે. માલવેર એક એવું સોફ્ટવેર છે જે હેકર્સને તમારા નેટવર્ક અથવા સિસ્ટમમાં પ્રવેશ આપી શકે છે, જેની મદદથી તેઓ ડેટા ચોરી અને રેન્સમવેર હુમલાઓ વગેરે કરી શકે છે. આ માલવેર યુઝરના ઈમેલ એડ્રેસ, ક્રેડિટ કાર્ડની માહિતી અને પાસવર્ડ વગેરે ચોરી શકે છે.

આવા કૌભાંડોથી કેવી રીતે બચવું?

આજકાલ સમગ્ર વિશ્વમાં સાયબર ક્રાઇમના બનાવો વધી રહ્યા છે. સ્કેમર્સ લોકોને અલગ અલગ રીતે છેતરવાનો પ્રયાસ કરી રહ્યા છે. જે લોકો તેમના જાળમાં ફસાઈ જાય છે તેમને મોટું નુકસાન સહન કરવું પડે છે. FBI એ આવા કૌભાંડોથી પોતાને બચાવવા માટે કેટલાક રસ્તાઓ સૂચવ્યા છે.

તમારા એન્ટીવાયરસ સોફ્ટવેરને અપડેટ રાખો.

તમારા ડિવાઇસની ઓપરેટિંગ સિસ્ટમ અપડેટ રાખો અને કોઈપણ OS અથવા સુરક્ષા અપડેટ્સને અવગણશો નહીં.

આ ઉપરાંત એજન્સીએ લોકોને આવા કન્વર્ટરમાંથી સાવધાની સાથે ફાઇલો ડાઉનલોડ કરવાની સલાહ આપી છે. ડાઉનલોડ કરેલી ફાઇલ ખોલતા પહેલા તેને એન્ટી-વાયરસથી સ્કેન કરવાનું પણ સૂચન કરવામાં આવે છે.