Apple ને પછાડવા ચીની કંપનીનો મોટો પ્લાન, હવે આ સ્ટ્રેટેજીથી માર્કેટમાં વેચશે પ્રીમિયમ ફોન

Smartphone Market: એપલ પાસે ચીનમાં પ્રીમિયમ સેગમેન્ટના સ્માર્ટફોનનો 52 ટકા બજાર હિસ્સો છે. Huawei 33 ટકા માર્કેટ શેર સાથે બીજા સ્થાને છે

(તસવીર- એબીપી લાઇવ)

Source : એબીપી લાઇવ

Smartphone Market: સ્માર્ટવૉચ માર્કેટમાં એપલને પછાડનારી ચીની કંપની Huawei એ વધુ એક માસ્ટર પ્લાન બનાવ્યો છે. હવે તે પ્રીમિયમ સેગમેન્ટમાં Appleને પાછળ પાડવાની તૈયારી કરી રહી છે. ખરેખર, ચીન વિશ્વનું સૌથી મોટું સ્માર્ટફોન માર્કેટ છે. અહીં એપલે 50,000 રૂપિયાથી વધુ કિંમતના ફોનનું માર્કેટ કબજે કર્યું છે. આને પડકારવા માટે Huawei એ તેના ઘણા સ્માર્ટફોન્સ પર ભારે ડિસ્કાઉન્ટ આપવાનું શરૂ કર્યું છે. હવે Huawei સ્માર્ટફોન 23,000 રૂપિયા સુધીના ડિસ્કાઉન્ટ સાથે ઉપલબ્ધ છે.

પ્રીમિયમ સેગમેન્ટમાં 52 ટકા માર્કેટ શેરની સાથે એપલ સૌથી આગળ - 
એપલ પાસે ચીનમાં પ્રીમિયમ સેગમેન્ટના સ્માર્ટફોનનો 52 ટકા બજાર હિસ્સો છે. Huawei 33 ટકા માર્કેટ શેર સાથે બીજા સ્થાને છે. નાણાકીય વર્ષના ત્રીજા ક્વાર્ટરમાં ચીનની કંપનીના વેચાણમાં લગભગ 34 ટકાનો વધારો થયો છે. Apple માટે હરીફાઈને વધુ મુશ્કેલ બનાવતા Huawei એ ફોનની કિંમત ઘટાડવાનું શરૂ કર્યું છે. ઉદાહરણ તરીકે, Pura 70 Ultra (1TB) હવે લગભગ રૂ. 1.06 લાખમાં ઉપલબ્ધ છે, જ્યારે લૉન્ચિંગ સમયે તેની કિંમત રૂ. 1.28 હતી.

ફૉલ્ડેબલ ફોનની કિંમત પણ ઓછી કરી રહી છે કંપની - 
ફૉલ્ડેબલ ફોન માર્કેટમાં Huaweiની Apple સાથે કોઈ સ્પર્ધા નથી, પરંતુ તેમ છતાં કંપની ફૉલ્ડેબલ ફોનની કિંમતો પણ ઘટાડી રહી છે. એપલે હજુ સુધી ફૉલ્ડેબલ ફોન લૉન્ચ કર્યો નથી. આવી સ્થિતિમાં Huaweiની સ્પર્ધા માત્ર સ્થાનિક કંપનીઓ સાથે છે. હવે કંપનીએ ફૉલ્ડેબલ Huawei Mate X5 ની કિંમત 2023 માં લૉન્ચ કરી, 1.23 લાખ રૂપિયા કરી દીધી છે. આના પર 19 ટકા ડિસ્કાઉન્ટ ઉપલબ્ધ છે. તેવી જ રીતે અન્ય ફોન પર પણ ભારે ડિસ્કાઉન્ટ મળી રહ્યું છે.

સ્માર્ટવૉચ માર્કેટની નવી બાદશાહ બની Huawei  - 
Huawei ગયા મહિને Appleને હરાવીને સ્માર્ટવૉચ માર્કેટની નવી કિંગ બની છે. 2024ના પહેલાથી ત્રીજા ક્વાર્ટરમાં ચીનની કંપનીએ 2.36 કરોડ યૂનિટ્સ મોકલ્યા હતા. આ રીતે તે 16.9 ટકા બજાર હિસ્સો કબજે કરવામાં સફળ રહ્યો હતો. બીજીતરફ, Apple આ વર્ષના પ્રથમ ત્રણ ક્વાર્ટરમાં 16.2 ટકા બજાર હિસ્સા સાથે 22.5 મિલિયન યૂનિટ્સ મોકલી શકે છે.

આ પણ વાંચો