Google Play સ્ટૉરની થશે છુટ્ટી, ફોન-પે એ એન્ડ્રોઇ યૂઝર્સ માટે શરૂ કર્યુ ઇન્ડસ એપ સ્ટૉર

છેલ્લા કેટલાય ગૂગલ અને એપલ પર પોતાની એપ્સને પ્રમૉટ કરવાનો લાગી રહ્યો હતો, સાથે જ બીજી એપ્સનું કહેવું હતુ કે આ બન્ને એપ સ્ટૉર માત્ર પોતની જ એપ્સને પ્રમૉટ કરવાનું કામ કરે છે.

પ્રતિકાત્મક તસવીર

PhonePe : ગૂગલ અને એપલ એપ સ્ટૉરના એકાધિકારને ખતમ કરવા માટે PhonePe એન્ડ્રોઈડ યૂઝર્સ માટે ઇન્ડસ એપ સ્ટૉર લૉન્ચ કરવા જઈ રહ્યું છે. PhonePe અનુસાર, હાલમાં ઇન્ડસ એપ સ્ટૉર યૂઝર્સ માટે મફત હશે અને Android યૂઝર્સ આમાં અવેલેબલ તમામ કન્ટેન્ટનો ઉપયોગ કરી શકશે.

ઉલ્લેખનીય છે કે, છેલ્લા કેટલાય ગૂગલ અને એપલ પર પોતાની એપ્સને પ્રમૉટ કરવાનો લાગી રહ્યો હતો, સાથે જ બીજી એપ્સનું કહેવું હતુ કે આ બન્ને એપ સ્ટૉર માત્ર પોતની જ એપ્સને પ્રમૉટ કરવાનું કામ કરે છે. આવી સ્થિતિમાં PhonePe દ્વારા લેવામાં આવેલ આ પગલું ખૂબ જ મહત્વપૂર્ણ માનવામાં આવી રહ્યું છે. જાણો શું છે PhonePe નુ Indus App Store, ને કઇ રીતે કરશે કામ...

ઇન્ડસ એપ સ્ટૉરની કેટલી હશે ફી ?
PhonePe અનુસાર, હાલમાં ઇન્ડસ એપને એન્ડ્રોઈડ યૂઝર્સ માટે ફ્રી રાખવામાં આવશે અને કંપની આગામી એક વર્ષ સુધી તેના પર કોઈ ફી વસૂલવાની નથી. એક વર્ષ પછી, યૂઝર્સ નજીવી ફી ચૂકવીને ઇન્ડસ એપનો ઉપયોગ કરી શકશે.

ઇન્ડસ એપ સ્ટૉર એપ્લિકેશનમાં ચૂકવણી માટે ડેવલપર્સ પાસેથી કોઈપણ પ્લેટફોર્મ ફી અથવા કમિશન લેશે નહીં. ડેવલપર્સ તેમની એપ્સમાં તેમની પસંદગીના કોઈપણ પેમેન્ટ ગેટવેને એકીકૃત કરવા માટે મુક્ત હશે. આ Google અને Apple ના એપ સ્ટોર્સથી વિપરીત છે, જે ઇન-એપ ખરીદીઓ માટે 30% કમિશન લે છે. જેના કારણે ગૂગલ અને એપલ એપ સ્ટોરને ટીકાનો સામનો કરવો પડ્યો હતો.

ભારતમાં 2026 સુધી હશે આટલા સ્માર્ટફોન યૂઝર્સ - 
એક રિપોર્ટ અનુસાર, ભારતમાં 2026 સુધીમાં 1 અબજ સ્માર્ટફોન યૂઝર્સ હશે, જેમાંથી સૌથી વધુ યૂઝર્સ એન્ડ્રોઇડ ફોનના હશે. આવામાં PhonePe તેની ઇન્ડસ એપને 12 ભારતીય ભાષાઓમાં લૉન્ચ કરવાની તૈયારી કરી રહ્યું છે. PhonePe અનુસાર, Indus પાસે એપ સ્ટૉરમાં નવી એપ્સને બહેતર વિઝિબિલિટી તેમજ સર્ચ-ફ્રેન્ડલી બનાવવા માટે 'લૉન્ચ પેડ' નામનો એક સમર્પિત વિભાગ હશે. આ પ્લેટફોર્મ ભારતમાં સ્થિત સમર્પિત રાઉન્ડ-ધ-ક્લૉક ગ્રાહક સપોર્ટ ટીમ અને 12 ભારતીય ભાષાઓમાં તમારી એપ્લિકેશનને સૂચિબદ્ધ કરવાનો વિકલ્પ સહિત મોટાભાગના Android ડેવલપર્સ દ્વારા સામનો કરવામાં આવતા પડકારોનો સામનો કરવા માટે સંખ્યાબંધ ડેવલપિંગ ટૂલ્સ અને સુવિધાઓ પણ પ્રદાન કરશે, અંગ્રેજી ઉપરાંતનો પણ આમાં સમાવેશ થાય છે.