હવે ફ્રીમાં નહીં વાપરી શકો WhatsApp, કંપની લાવી રહી છે આ નવું અપડેટ, ચૂકવવા પડશે પૈસા.....

અત્યારે તમારા માટે ચિંતા કરવાની કોઈ વાત નથી, પરંતુ એ વાત ચોક્કસ છે કે આવનારા દિવસોમાં WhatsApp દ્વારા સબસ્ક્રિપ્શન ઑફર આપવામાં આવી શકે છે.

તસવીર (સોશ્યલ મીડિયા પરથી)

WhatsApp: હવે વૉટ્સએપ યૂઝર્સ માટે એક માઠા સમાચાર સામે આવ્યા છે. હવે વૉટ્સએપ વાપરવું બધા માટે ફ્રી નહીં રહે. હવે યૂઝર્સને WhatsApp સર્વિસ માટે ચૂકવણી કરવી પડી શકે છે. અત્યાર સુધી વૉટ્સએપ તમામ યૂઝર્સ માટે ફ્રી હતું, પરંતુ હવે એવું નહીં થાય કારણ કે મેટા વૉટ્સએપની પૉલીસીમાં ફેરફાર કરવા જઈ રહ્યું છે. જેમાં કંપની વૉટ્સએપ યૂઝર્સ માટે સબસ્ક્રિપ્શન પ્લાન લાવવા જઈ રહી છે, જેમાં યૂઝર્સને વૉટ્સએપનો ઉપયોગ કરવા માટે પેમેન્ટ ઓપ્શન મળશે. સાથે જ આ યૂઝર્સને વૉટ્સએપ તરફથી કેટલીય સુવિધાઓ મળશે, જેમાં તમને જાહેરાતો વગર વૉટ્સએપનો ઉપયોગ કરવાની તક મળશે.

આપવા પડી શકે છે પૈસા 
અત્યારે તમારા માટે ચિંતા કરવાની કોઈ વાત નથી, પરંતુ એ વાત ચોક્કસ છે કે આવનારા દિવસોમાં WhatsApp દ્વારા સબસ્ક્રિપ્શન ઑફર આપવામાં આવી શકે છે. આ ઑફર ખાસ કરીને એવા યૂઝર્સ માટે હશે જેઓ જાહેરાતો વિના WhatsAppનો ઉપયોગ કરવાનું પસંદ કરે છે. આમા પણ ભારતમાં જાહેરાત સર્વિસ ક્યારે શરૂ થશે? આ અંગે કોઈ માહિતી નથી, પરંતુ તેની શરૂઆત યુએસ અને કેનેડાથી થઈ શકે છે.

જાહેરાત બતાવવાની વાત સ્વિકારી 
વૉટ્સએપ હેડ કેથકાર્ટે સ્પષ્ટ કર્યું છે કે વૉટ્સએપ વતી એપમાં જાહેરાતો બતાવવામાં આવશે, પરંતુ તેણે કહ્યું કે આ જાહેરાત મુખ્ય ઇનબૉક્સ ચેટમાં બતાવવામાં આવશે નહીં. રિપોર્ટ અનુસાર, જાહેરાત એપના બે સેક્શનમાં બતાવવામાં આવશે, પરંતુ આ કયા બે સેક્શન હશે, તેની હાલ કોઈ માહિતી ઉપલબ્ધ નથી. અગાઉ સપ્ટેમ્બરમાં કાથે વૉટ્સએપ પર જાહેરાતો બતાવવાના સમાચારને ફગાવી દીધા હતા.

આ રીતે દેખાશે જાહેરાતો 
વૉટ્સએપના નવા ફિચરની વાત કરીએ તો તે ઈન્સ્ટાગ્રામ સ્ટૉરીઝ અને ફેસબુક સ્ટૉરીઝ જેવી હશે. મતલબ જે રીતે ઇન્સ્ટાગ્રામ સ્ટૉરીઝ અને ફેસબુક સ્ટૉરીઝમાં જાહેરાતો દેખાશે, તેવી જ રીતે વૉટ્સએપમાં પણ જાહેરાતો દેખાશે.