WhatsApp સ્ટૉરેજનું ટેન્શન ખતમ, આ ટ્રિક આવશે કામ

Whatsapp Storage: જો તમે પણ વોટ્સએપ સ્ટોરેજની સમસ્યાથી પરેશાન છો, તો અહીં કેટલીક ઇઝી ટ્રિક્સ છે જે તમને મદદ કરશે

(તસવીર- એબીપી લાઇવ)

Source : એબીપી લાઇવ

Whatsapp Storage: આજકાલ વૉટ્સએપ આપણા જીવનનો એક મહત્વપૂર્ણ ભાગ બની ગયું છે. તેનો ઉપયોગ મિત્રો, પરિવાર અને ઓફિસના કામ માટે વ્યાપકપણે થાય છે, પરંતુ વૉટ્સએપ પર સતત ફાઇલો, ફોટા, વીડિયો અને મેસેજ આવવાને કારણે ફોનનો સ્ટૉરેજ ઝડપથી ભરાઈ જાય છે. જ્યારે સ્ટૉરેજ ફૂલ થઈ જાય છે ત્યારે ફોનની સ્પીડ ધીમી થઈ જાય છે એટલું જ નહીં નવી ફાઈલો ડાઉનલૉડ કરવામાં પણ મુશ્કેલી પડે છે. જો તમે પણ વોટ્સએપ સ્ટોરેજની સમસ્યાથી પરેશાન છો, તો અહીં કેટલીક ઇઝી ટ્રિક્સ છે જે તમને મદદ કરશે.

Manage Storage ફિચરનો ઉપયોગ કરો 
વૉટ્સએપમાં ઇનબિલ્ટ ફિચર છે, જેનું નામ છે "Manage Storage". તમે Settings > Storage and Data > Manage Storage પર જઈને તેને ઍક્સેસ કરી શકો છો. અહીં તમને મોટી સાઈઝની ફાઈલો અને વારંવાર ફોરવર્ડ કરાયેલા મેસેજ મળશે. તેને સિલેક્ટ કરીને ડિલીટ કરી શકો છો, જેનાથી સ્ટૉરેજ તરત જ ખાલી થઇ જશે

ઓટો-ડાઉનલૉડ કરો 
મીડિયા ફાઇલો WhatsApp પર ઓટોમેટિકલી ડાઉનલૉડ થાય છે, જે સ્ટૉરેજને ઝડપથી ભરી દે છે. તેને બંધ કરવા માટે Settings > Storage and Data > Media Auto-Download પર જાઓ અને બધા ઓપ્શનોને "No Media" પર સેટ કરો. હવે તમે ઇચ્છો ત્યારે જ ફાઇલો ડાઉનલૉડ થશે.

ગૃપ્સમાં મીડિયાને અલગથી સેવ કરો 
ગૃપમાં શેર કરેલા ફોટા અને વીડિયો ઘણીવાર સ્ટરેજ ભરવાનું મુખ્ય કારણ હોય છે. તમે ગૃપ માટે મીડિયા સેવ વિકલ્પને ડિસેબલ કરી શકો છો. આ માટે ગૃપ ચેટ ઓપન કરો, ઉપરના ત્રણ બિંદુઓ પર ક્લિક કરો અને "Media Visibility" ને "No" પર સેટ કરો.

ક્લાઉડ બેકઅપનો ઉપયોગ કરો 
ક્લાઉડ (Google Drive અથવા iCloud) પર મહત્વપૂર્ણ ફાઇલો અને ફોટા સેવ કરો, આની મદદથી તમે તેને ડિલીટ કરી શકો છો અને તમારા ફોનમાં જગ્યા બનાવી શકો છો.

અનવૉન્ટેડ ચેટ્સ અને ફાઇલ્સ ડિલીટ કરો 
જૂની અને બિનજરૂરી ચેટ્સને ડિલીટ કરવાની ટેવ પાડો. સ્ટૉરેજ મેનેજમેન્ટની સૌથી સરળ રીત છે. આ ટ્રિક્સનો ઉપયોગ કરીને તમે WhatsApp સ્ટૉરેજ સમસ્યાઓથી છુટકારો મેળવી શકો છો અને તમારા ફોનને વધુ સારી રીતે ચલાવી શકો છો.

આ પણ વાંચો