Hun To Bolish : હું તો બોલીશ : ભરઉનાળે વરસાદ !

ભરઉનાળે આવતીકાલથી શુક્રવાર સુધી રાજ્યમાં માવઠાની આગાહી હવામાન વિભાગે આપી છે. આગામી 6 દિવસ ગુજરાતમાં 30 થી 40 કિલોમીટર પ્રતિ કલાકની ગતિએ પવન ફૂંકાવવા ઉપરાંત ગાજવીજ સાથે વરસાદની સંભાવના છે. હવામાન વિભાગ મુજબ આવતીકાલે એટલે કે રવિવારે કચ્છ, અમરેલી, ભાવનગર, બનાસકાંઠા, સાબરકાંઠા, પાટણ, મહેસાણા, અરવલ્લી, મહીસાગર, પંચમહાલ, દાહોદ, વડોદરા, છોટા ઉદેપુર, નવસારી, વલસાડ અને સંઘ પ્રદેશ દમણ અને દાદરાનગર હવેલીમાં કમોસમી વરસાદ વરસી શકે છે. તો પાંચ અને 6 મેના રોજ કરા સાથે રાજ્યના તમામ જિલ્લામાં હળવા વરસાદની હવામાન વિભાગે આગાહી વ્યક્ત કરી છે.. સોમવારે મોટાભાગના જિલ્લામાં 40 કિલોમીટર પ્રતિ કલાકની ઝડપે ફુંકાઈ શકે છે પવન.. સોમવારે પાટણ, મહેસાણા, પંચમહાલ, દાહોદ, અમદાવાદ, આણંદ, ખેડા, ગાંધીનગર, વડોદરા, નર્મદા, ભરૂચ, સુરત, તાપી, વલસાડ, નવસારી, દમણ, દાદરાનગર હવેલી, સુરેન્દ્રનગર, જામનગર પોરબંદર, ગીર સોમનાથ, દેવભૂમિ દ્વારકા, બોટાદ અને દીવમાં સામાન્યથી મધ્યમ વરસાદ વરસી શકે છે. આ સિવાય 6થી 8 મે સુધી રાજ્યના તમામ જિલ્લામાં હળવાથી મધ્યમ વરસાદની હવામાન વિભાગે આગાહી વ્યક્ત કરી છે. પવન સાથે કમોસમી વરસાદની આગાહીથી કેરી અને ઉનાળુ પાક પકવતા ખેડૂતોમાં ચિંતા વ્યાપી ગઈ છે.