Hun To Bolish : હું તો બોલીશ : પ્રચારમાં ડખો
Hun To Bolish : હું તો બોલીશ : પ્રચારમાં ડખો
સ્થાનિકોનો રોષ સહન ન થતા આ નફ્ફટ, નાલાયક ઉમેદવાર અને કાર્યકરો ઝપાઝપી પર ઉતરી આવ્યા,,,, આપે જે આ દ્રશ્યો જોયા તે સુરતના છે... જે લોકશાહીની હત્યા થઈ હોવાનો પુરાવો છે... વોર્ડ નંબર 11ની આ ઘટના છે... CCTVમાં સ્પષ્ય દેખાય છે કે, જ્યા સોસાયટીમાં ઉમદવારોને ન ઘૂસવા દેતા ધક્કા મૂક્કી કરીને અંદર ઘૂસ્યા.. એટલું જ નહીં આ નફ્ફટ ઉમેદવારની સાથે આવેલા કાર્યકરોએ મહિલાઓ સાથે મારામારી પણ કરી... આ તો CCTVમાં સ્પષ્ટ દેખાય છે કે, શાસક પક્ષના કાર્યકરો છે.. બાકી દોષનો ટોપલો વિપક્ષ પર 100 ટકા ઢોળવામાં આવે... આ ઝપાઝપીમાં એક યુવતીના કપડા પણ ફાટી ગયા.. યુવતીનું ગોઠણના ભાગે પેન્ટ ફાટેલું છે.. સંવાદદાતા ધનરાજ રિપોર્ટિંગ માટે ગયા ત્યારે કેમેરામાં મહિલાએ આપવીતિ પણ જણાવી.... ભાજપના ઉમેદવાર હર્ષ મહેતા અને કાર્યકરો પ્રયાર માટે આવ્યા હતા.. ગોરાટ વિરાટ વિસ્તારમાં અશાંત ધારાને લઈ પહેલેથી જ ભાજપનો વિરોધ થઈ રહ્યો છે... તેમ છતાં ભાજપના ઉમેદવાર અને ગાર્ડન ગ્રુપના હર્ષ મહેતા તેના ટેકેદારો અને પૂર્વ મેયર હેમાલી બોઘાવાલા સહિત ભાજપના કાર્યકરો સાથે અહીં પ્રચારમાં પહોંચતાં સ્થાનિક મહિલાઓ સહિત લોકોએ ભેગા મળી ઉધડો લીધો હતો....
25 સોસાયટીઓના સ્થાનિકોએ ત્યા એક અપક્ષ ઉમેદવાર તરુણ પટેલનો પણ ઉભા રાખ્યા છે... ચૂંટણી ટાણે દારુ વેચાય, રૂપિયા વેચાય. એકબીજાના ઉમેદવારો ખરીદાય.. ત્યા સુધી ઠીક હતું.. પણ હવે તો મહિલાઓને ધક્કા મારીને બળજબરી પૂર્વક પ્રચાર કરવા આવે છે...
અડાજણ-ગોરાટ વિસ્તાર જે પહેલેથી જ ભાજપનો ગઢ છે... પહેલી વખત આટલી હદે લોકોએ ભાજપનો વિરોધ કર્યો... લોકો શા માટે વિરોધ ન કરે.. પોતાનો કિંમતી મત આપીને જે જનપ્રતિનિધિને લાવે.. તે કામમાં ઠાગા-ઠૈયા કરે.. તો સ્વાભાવિક છે કે લોકો તેની પાસે કામનો હિસાબ માગશે જ...
આ જે વીડિયો સામે આવ્યા છે.. તેમાં ધારાસભ્ય પૂર્ણશ મોદી પણ દેખાય છે... તો ધારાસભ્ય ખુદ આવા નાલાયકોને ક્લીન ચીટ આપે છે.. જો પૂર્ણેશભાઈ જેવા ધારાસભ્યોના હાથ આવા બેશરમ ઉમેદવારો પર હોય તો પછી તેઓને કોના બાપની બીક હોય.. ગમે તે કરીને આવે.. ખબર છે, ધારાસભ્યના એક ફોનથી છૂટી જઈશું... પૂર્ણેશ મોદીએ આ સમગ્ર ઘટનાને પૂર્વનિયોજિત ગણાવતા સવાલ કર્યો છે કે, "હોબાળો કરીને વાતાવરણ બગાડવાનો જે પ્રયત્ન છે, તો શું આ કોંગ્રેસને ફાયદો કરાવવાની રણનીતિ છે?"
ગઈકાલે બનેલી ઘટના બાદ મહિલાઓ કલેક્ટર અને પોલીસ કમિશનર કચેરી પર પહોંચી.. જોઈન્ટ પોલીસ કમિશનરને આવેદન પત્ર પાઠવીને સ્થાનિક મહિલાઓએ સુરક્ષાની માગ કરી.. સાથે જ મહિલાઓની સુરક્ષાને લઈને પણ રજૂઆત કરી.. સ્થાનિક મહિલાઓની રજૂઆત સાંભળીને જોઈન્ટ પોલીસ કમિશનરે પણ સુરક્ષા આપવાની બાહેંધરી આપી.
ટોપ સ્ટોરી
ટ્રેન્ડિંગ સમાચાર
