અમદાવાદમાં કોરોના વેક્સીનનું હ્યુમન ટ્રાયલ: પ્રથમ દિવસે પાંચ વોલિયન્ટર્સને અપાઈ રસી

અમદાવાદની સોલા સિવિલ હોસ્પિટલ ખાતે કોવેકસીન ની હ્યુમન ટ્રાયલ  શરૂ થઈ ગઈ છે. પ્રથમ દિવસે પાંચ વોલિયન્ટર્સને કોવાક્સિનની ટ્રાયલ રસી અપાઇ છે. જેમાં પ્રથમ ડોઝ અંતર્ગત 4 પુરુષો અને એક મહિલા વોલિન્ટિયરને રસી આપવામાં આવી હતી. પાંચેય વોલિયન્ટિયર ને એક મહિના બાદ બીજો ડોઝ આપવામાં આવશે. ICMR અને રાજ્ય સરકારની ગાઈડલાઇન્સ આધારે 500 લોકો પર પ્રથમ સ્ટડી કરવામાં આવશે. બાદમાં તમામનું સતત એક વર્ષ સુધી ફોલોપ કરવામાં આવશે. રસીના ટ્રાયલની તાલીમ માટે કેન્દ્રથી નિષ્ણાંતોની ટીમ અમદાવાદ આવી પહોંચી છે.