Ahmedabad Accident: દારુ ઢીંચીને ટ્રકચાલકે એક્ટિવાને કચેડી નાંખી, બેના મોત | Abp Asmita

અમદાવાદનાં ખોખરા અને બહેરામપુરામાં બે ગોઝારી ઘટના બની છે. ખોખરા વિસ્તારમાં એક ગમખ્વાર અકસ્માતમાં  50 વર્ષનાં વૃદ્ધ અને 3 વર્ષની માસૂમ બાળકીનું મોત નીપજ્યું છે. ખોખરા વિસ્તારમાં બપોરે ગમખ્વાર અકસ્માત સર્જાયો હતો. ભગત એસ્ટેટ તરફનાં રસ્તા પર ટ્રકચાલકે એક સ્કૂટીને અડફેટે લીધી હતી. આ ઘટનામાં 50 વર્ષીય શિક્ષક અને 3 વર્ષની બાળકીને ગંભીર ઇજાઓ થતાં ઘટના સ્થળ પર મોત નીપજ્યું હતું. આ ઘટના મામલે I ડિવિઝન ટ્રાફિક પોલીસ સ્ટેશનમાં ફરિયાદ થતાં પોલીસે ટ્રકચાલકની ધરપકડ કરી છે અને આગળની કાર્યવાહી હાથ ધરી છે.

અમદાવાદના ખોખરા વિસ્તારમાં અનુપમ સિનેમા નજીક કેફી પદાર્થ પીધેલી હાલતમાં ટ્રક ચાલકે એક્ટિવા પર જતાં નાના-દોહિત્રીને અડફેટે લીધા હતા. બંનેને શરીરના ભાગે ગંભીર ઈજાઓ થતાં તેમને સારવાર અર્થે હોસ્પિટલ ખસેડવામાં આવ્યા હતા. જ્યાં ડોક્ટરે તેમને મૃત જાહેર કર્યા છે..