Anand Accident | અમદાવાદ-વડોદરા એક્સપ્રેસ હાઈવે પર બસ-ટ્રક વચ્ચે ગોઝારો અકસ્માત, 6ના મોત

અમદાવાદ અને વડોદરા એક્સપ્રસ  હાઇવે પર ભયંકર અકસ્માત સર્જાયો. અહીં બસ અને ટ્રક વચ્ચેના અકસ્માતમાં 6 લોકોના કમકમાટીભર્ચા મોત નિપજ્યાં છે. 8 લોકો ગંભીર રીતે ઘવાયા છે. અકસ્માતમાં  ત્રણ લોકોના ઘટના સ્થળે જ   મોત  થયા છે, જ્યારે  ત્રણ લોકો સારવાર દરમિયાન મોત થયા છે. ખાનગી બસ મહારાષ્ટ્રથી રાજસ્થાન તરફ જઈ રહી હતી.દુર્ઘટના આણંદના ચિખોદરા નજીક સર્જાઇ હતી.  અકસ્માતને પગલે એક્સપ્રેસ વે પર  ટ્રાફિક જામ સર્જાયો હતો. ટ્રાફિક ક્લિયર થતાં વિલંબ થતાં અન્ય વાહન ચાલકોને પારાવાર મુશ્કેલીનો સામનો કરવો પડ્યો હતો. ઘટનાની જાણ થતાં જ આણંદ ફાયર વિભાગની ટીમે ઘટનાસ્થળે પહોંચી હતી. પોલીસે ઘટનાસ્થળ પર પહોંચી તપાસ હાથ ધરી છે. આ ઘટનામાં હજુ પણ મૃત્યઆંક વધે તેવી આશંકા સેવાઇ રહી છે.પોલીસે અકસ્માતના બનાવની તપાસ શરૂ કરી દીધી છે. મૃતકોની ઓળખ અને આ સમગ્ર ઘટના કેવી રીતે સર્જાઇ તે અંગે  પોલીસ પ્રાથમિક માહિતી પ્રાપ્ત કરી રહી છે.