હવે ગુજરાતમાં પ્રાથમિક સ્કૂલોમાં પણ શરૂ થશે શિક્ષણ? જાણો શિક્ષણમંત્રીએ શું કહ્યુ?

આજથી ધોરણ 9થી 11 સુધીનું શિક્ષણ વર્ગ ખંડોમાં શરૂ થઈ ચુક્યું છે. ત્યારે હવે ચર્ચા એ છે કે પ્રાથમિક શાળાઓમાં ક્યારે પ્રત્યક્ષ શિક્ષણ શરૂ થશે. કેમ કે આજે કોવિડના નિયમો સાથે માધ્યમિક શાળાઓ શરૂ થઈ છે. ત્યારે સરકાર હવે પ્રાથમિક શાળાઓમાં વર્ગખંડો શરૂ કરવા અંગે ગંભીરતાથી વિચારી રહી છે. આરોગ્ય વિભાગના અભિપ્રાય લઈને રાજ્ય સરકારની કોર કમિટીની બેઠકમાં પ્રાથમિક શાળાઓમાં શિક્ષણ શરૂ કરવા અંગે ચર્ચા કરવાના શિક્ષણમંત્રીએ સંકેત આપ્યા છે. શિક્ષણમંત્રી ભુપેન્દ્રસિંહે જણાવ્યું હતું કે, આજથી 9, 10 અને 11નું શિક્ષણકાર્ય ચાલું થઈ રહ્યું છે. સૌને શુભકામના પાઠવું છે. હવે પછી આ જ પ્રકારે કોર કમિટીમાં ચર્ચા કરીને બાકીના વર્ગોનું શિક્ષણ કાર્ય ચાલું કરીશું.