Covid Vaccination: રાજ્યમાં પ્રથમ દિવસે 12 હજાર 320 મેડિકલ સ્ટાફને અપાઈ વેક્સીન

ગુજરાતમાં પ્રથમ દિવસે તબીબો સહિત 12 હજાર 320 તબીબો સહિત મેડિકલ સ્ટાફને કોરોનાની સંજીવની સમાન રસી આપવામાં આવી.અમદાવાદના 20 કેંદ્રો પર એક હજાર 115 તબીબો અને મેડિકલ સ્ટાફને રસી અપાઈ. તો રાજકોટ જિલ્લામાં પ્રથમ દિવસે 677 કોરોના વોરિયર્સને રસી આપવામાં આવી. રાહતના સમાચાર એ છે કે પ્રથમ દિવસે જેટલાએ પણ રસી લીધી તેમાં કોઈને પણ રસીની આડઅસર જોવા મળી નથી. ગુજરાતના 33 જિલ્લામાં શરૂ કરાયેલ રસીકરણ પ્રથમ તબક્કામાં આઠ મહાનગરપાલિકાઓના 161 સેંટરો પર રસી આપવાની શરૂઆત કરવામાં આવી હતી. હવે આ તમામને 28 દિવસ બાદ રસીનો બીજો ડોઝ આપવામાં આવશે.