Junagadh Hit and Run: જૂનાગઢના વંથલીમાં રફતારનો કહેર, સરકારી કારે ટક્કર મારતા યુવકનું મોત

 જૂનાગઢના મેંદરડા નજીક સરકારી ગાડી અડફેટે રાહદારી યુવકનું મોત નિપજ્યું. મૂળ લુસાડા ગામના સુભાષ ડાંગર સતાધાર તરફ ચાલીને જઈ રહ્યા હતા. આ સમયે ખોરાસા-અણીયાળા વચ્ચે કુતિયાણા પાણી પુરવઠા બોર્ડની સરકારી ગાડીએ તેમને જોરદાર ટક્કર મારી. આ અકસ્માત એટલો ગંભીર હતો કે સુભાષ ડાંગરનું ઘટનાસ્થળે જ મોત થયું હતું. અકસ્માત બાદ ટોળાએ કારનો ઘેરાવો કરી હોબાળો મચાવ્યો. ​અકસ્માતની જાણ થતાં વંથલી પોલીસ તાત્કાલિક ઘટનાસ્થળે પહોંચી હતી. આરોપ છે કે, પોલીસે સરકારી વાહનની તપાસ કરતા તેમાંથી દારૂ અને બિયરની બોટલો મળી આવી. અકસ્માત સમયે વાહનમાં અધિકારી ગોવિંદભાઈ પાતર અને ડ્રાઈવર રાહુલ પાતર હાજર હતા.પોલીસે તાત્કાલિક ધોરણે ડ્રાઈવર અને અધિકારીની અટકાયત કરી પોલીસ સ્ટેશન લઈ ગઈ.જ્યારે મૃતક યુવક સુભાષ ડાંગરના મૃતદેહનો પીએમ માટે ખસેડ્યો. ડ્રાઈવર અને અધિકારી નશામાં હોવાનો આરોપ છે.