મહીસાગરના ચાર તાલુકામાં મનરેગા યોજનામાં 76 લાખ 91 હજારનું મોટું કૌભાંડ, 13 લોકો સામે થઈ ફરિયાદ

મહીસાગરમાં મનરેગા યોજનામાં કુલ 76,91,251 રૂપિયાના કૌભાંડ બાબતે 4 તાલુકામાં ફરિયાદ નોંધાઈ છે. સંતરામપુર , વીરપુર, બાલાસિનોર અને લુણાવાડા તાલુકામાં મનરેગા આચરાયેલા કૌભાંડ બાબતે કુલ 13 લોકો સામે ફરિયાદ નોંધાઈ છે. લુણાવાડામાં 45,37,694 રૂપિયા બાલાસિનોરમાં 3,82,492, રૂપિયા વીરપુરમાં 18,26,820, અને સંતરામપુરમાં 9,44,245 રૂપિયા સાથે કુલ 76,91,251 રૂપિયાનું કૌભાંડ આચરાયું હોવાનું સામે આવ્યું છે. મનરેગા યોજનામાં આવતા કામોમાં ઓનલાઇન કરવામાં આવતી ડેટા એન્ટ્રીમાં ચેડાં કરી ખાનગી એજેંસીઓના બિલો મૂકી તેમજ ખોટી ડિજિટલ સિગ્નેચરો કરી અને લોગીનનો ઉપયોગ કરવામાં આવ્યો હતો. વર્ષ 2016-17, વર્ષ 2017-18 અને વર્ષ 2018-19 માં કૌભાંડ આચરવામાં આવ્યું હતું,