Red Fort Car Blast Update: દિલ્લી કાર વિસ્ફોટમાં વધુ એક શંકાસ્પદ કાર મળી

10 નવેમ્બર, સોમવારે રાજધાની દિલ્હીમાં લાલ કિલ્લા પાસે થયેલા પ્રચંડ કાર બોમ્બ વિસ્ફોટે સમગ્ર દેશને હચમચાવી નાખ્યો. બાર લોકો માર્યા ગયા અને 20 થી વધુ લોકો ગંભીર રીતે ઘાયલ થયા. વિસ્ફોટ એટલો શક્તિશાળી હતો કે તેનાથી નજીકના વાહનો અને દુકાનોની બારીઓ તૂટી ગઈ. આ કેસમાં સતત નવા ખુલાસા થઈ રહ્યા છે. બુધવારે તપાસ એજન્સીઓ ફરીદાબાદમાં અલ-ફલાહ યુનિવર્સિટી તપાસ માટે પહોંચી હતી.

બુધવારે, રાષ્ટ્રીય તપાસ એજન્સી (NIA) અને સ્થાનિક પોલીસની સંયુક્ત ટીમે અલ-ફલાહ યુનિવર્સિટી પર દરોડો પાડ્યો. એજન્સીએ ડૉ. ઉમરના નજીકના સહયોગીઓ અને તેમને નજીકથી ઓળખતા તમામ સ્ટાફ સભ્યોની પૂછપરછ કરી. સૂત્રોના જણાવ્યા અનુસાર, પૂછપરછ દરમિયાન, NIAએ ડૉ. ઉમરના ડ્રાઇવર સુધી પહોંચ મેળવી, જે ફક્ત તેમનો ડ્રાઇવર જ નહીં પરંતુ તેમનો સૌથી વિશ્વાસુ પણ હતો.