Rajkot Heavy Rains: ગોંડલ પંથકમાં ગાજવીજ-પવન સાથે ધોધમાર વરસાદ

હવામાન વિભાગે આજે રાજકોટ જિલ્લામાં વરસાદની આગાહી કરી હતી. હવામાન વિભાગની આગાહી મુજબ રાજકોટ જિલ્લાના વાતાવરણમાં પલટો આવ્યો છે. ગોંડલ શહેરમાં ભારે પવન સાથે ધોધમાર વરસાદ વરસ્યો છે.

સવારથી અસહ્ય ગરમી અને બફારા વચ્ચે બપોરબાદ વાતાવરણમાં પલટો આવ્યો હતો. ગાજવીજ તેમજ પવન સાથે શહેરમાં ધોધમાર વરસાદ શરૂ થયો છે. ધોધમાર વરસાદને પગલે શહેરના રાજમાર્ગો પર વરસાદી પાણી ફરી વળ્યા હતા. શહેરમાં કમોસમી વરસાદ શરૂ થતાં વાતાવરણમાં ઠંડક પ્રસરી ગઈ હતી.

કમોસમી વરસાદને કારણે ખેતરમાં ઉભા પાકને નુકસાન જવાની ભીતિ છે. માવઠાના મારથી ખેડૂતોને વ્યાપક નુકસાન થવાની શક્યતાઓ છે. ગોંડલ તાલુકાના ગ્રામ્ય વિસ્તારોમાં પણ વરસાદ વરસ્યો છે. થોડાક દિવસના વિરામ બાદ ફરી ગોંડલ પંથકમાં વરસાદથી ખેડૂતો ચિંતિત થયા છે.