Donald Trump News | ડોનાલ્ડ ટ્રમ્પ પર ફાયરિંગને લઈને રાહુલ ગાંધીએ આપ્યું મોટું નિવેદન

કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધીએ, પણ અમેરિકાના પૂર્વ રાષ્ટ્રપતિ ટ્રમ્પ પર હુમલાની નિંદા કરી છે. તેણે કહ્યું કે હું અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની હત્યાના પ્રયાસને લઈને અત્યંત ચિંતિત છું. આવા કૃત્યોની સખત શબ્દોમાં નિંદા થવી જોઈએ. હું તેના ઝડપી અને સંપૂર્ણ સ્વસ્થ થવાની ઈચ્છા કરું છું.

ટ્રમ્પ પર છોડાયેલ ગોળી તેના કાનને અડીને પસાર થઈ ગઈ હતી. હુમલા બાદ ડોનાલ્ડ ટ્રમ્પને તાત્કાલિક હોસ્પિટલ લઈ જવામાં આવ્યા હતા. હાલમાં ટ્રમ્પ ખતરાની બહાર છે. તેઓ સંપૂર્ણ સુરક્ષિત છે. સારવાર બાદ તેમને હોસ્પિટલમાંથી રજા આપવામાં આવી છે. સિક્રેટ સર્વિસે તરત જ હુમલાખોરોને મારી નાખ્યો. હુમલા બાદ ટ્રમ્પે કહ્યું કે અમેરિકાની સિક્રેટ સર્વિસનો આભાર કે જેમણે તાત્કાલિક કાર્યવાહી કરી. આપણા દેશમાં આવી ઘટના બની હોય તે માની શકાય તેમ નથી.