સુરેન્દ્રનગરઃ ખરાબ રસ્તાના કારણે નારાજ લોકોએ CM રૂપાણીના કાફલાને રોક્યો, જુઓ વીડિયો

 

સુરેન્દ્રનગરઃ સુરેન્દ્રનગરના પાટડીમાં મુખ્યમંત્રી વિજય રૂપાણીના કાફલાને રોકીને વિરોધ કરવામાં આવ્યો હતો. મુખ્યમંત્રી વિજય રૂપાણી વણિન્દ્ર ગામે સ્વામીનારાયણ મંદિરના ઉદ્ધાટન પ્રસંગે હાજરી આપવા માટે પહોંચ્યા હતા. 

મળતી વિગતો અનુસાર, ખરાબ રસ્તાથી નારાજ સુરજપુરા ગામના લોકોએ રૂપાણીનો વિરોધ નોંધાવ્યો હતો. ગ્રામજનોએ રૂપાણીનો કાફલો રોકીને સૂત્રોચ્ચારો પોકાર્યા હતા અને વિરોધ પ્રદર્શન કર્યું હતું. વિશાળ સંખ્યામાં એકઠા થયેલા લોકોને કાબૂમાં લેવા માટે પોલીસે પણ ભારે મહેનત કરવી પડી હતી. બાદમાં વિરોધ પ્રદર્શન કરી રહેલા 30 જેટલા વ્યક્તિઓની પોલીસે અટકાયત કરી હતી.