કોણ છે મોદીને ભાઇ માનનારી બલોચી યુવતી કરીમા બલોચ?

32 વર્ષની કરીમા બલોચ બલુચિસ્તાન સ્ટૂડન્ટ એસોસિયેશનની ચેરપર્સન છે. બલુચિસ્તાનના ટુમ્પ શહેરમાં પાકિસ્તાની સૈન્યના હુમલામાં તેનો બચાવ થયો હતો. તેણી ધરપકડથી બચવા માટે છેલ્લા વર્ષે નવેમ્બરમાં કેનેડા ભાગી ગઇ હતી. હાલમાં તેણી કેનેડામાં રેફ્યૂજી તરીકે રહે છે. કરીમાનો આ વીડિયો તાજેતરમાં સ્વતંત્રતા દિવસ પર વડાપ્રધાન મોદીએ બલુચિસ્તાનનો ઉલ્લેખ કર્યા બાદ આવ્યો છે જેમાં મોદીએ કહ્યુ હતું કે, છેલ્લા કેટલાક દિવસોથી બલુચિસ્તાન, ગિલગિટ અને પીઓકેના લોકો મારો આભાર માની રહ્યા છે.