પાકિસ્તાન પાયમાલ થવાની અણી પર, ભારતીય રૂપિયાથી અડધી થઈ ગઈ કરન્સીની કિંમત, જાણો વિગતે

પાકિસ્તાનના અખબાર ડોનના અહેવાલ મુજબ પાકિસ્તાન ચીન પાસેથી 135 અબજ રૂપિયાની નવી લોન લેવા જઈ રહ્યું છે. પાકિસ્તાન પર બેઇજિંગ કઈ રીતે આર્થિક કબજો કરી રહ્યું છે તેનો આ વધુ એક સંકેત છે. વિદેશી મુદ્રા ભંડારની નબળી સ્થિતિના કારણે ચીન પાસેથી લેવામાં આવેલી લોનનો ઉપયોગ પાકિસ્તાન વિદેશી મુદ્રા ભંડારની હાલત સુધારવા કરશે.

એક રિપોર્ટ મુજબ પાકિસ્તાન પાસે હવે 10.3 અબજ ડોલરનું વિદેશી મુદ્રા ભંડાર છે, જે ગત વર્ષે મે મહિનામાં 16.4 અબજ ડોલર હતું. રોયટર્સ એજન્સી મુજબ પાકિસ્તાનનું ચીન અને તેની બેંકો પાસેથી નાણાકીય વર્ષમાં લેવામાં આવેલું ઋણ 5 બિલિયન ડોલર સુધી પહોંચવાની અણી પર છે.