આતંક પર એક્શન લેવા મજબૂર થયું PAK, હાફિઝના બેન્ક એકાઉન્ટ કર્યા સીઝ

ઉપરાંત પંજાબ અને ઇસ્લામાબાદ પ્રાંતના પ્રશાસન દ્વારા જમાત-ઉદ-દાવા અને ફલાહ-એ-ઇન્સાનિયતની 170 સંપતિ જેમાં એમ્બ્યૂલન્સ પણ સામેલ છે. સાથે બન્ને સંગઠનોની 40 વેબસાઇટને પણ બંધ કરી દેવામાં આવી છે. પાકિસ્તાન સરકારે ખુદ પાકિસ્તાન ટેલિકૉમ્યુનિકેશન ઓથોરિટીને લેટર લખી વેબસાઇટને બ્લૉક અને શટડાઉન કરવાની માંગ કરી છે.

ઇસ્લામાબાદઃ આતંકવાદને પોષનાર પાકિસ્તાન ફરી એકવાર દુનિયાની સામે બેનકાબ થઇ ગયું છે, થોડાક દિવસ પહેલા જ સમાચાર આવ્યા હતા કે પ્રતિબંધ હોવા છતાં પાકિસ્તાનમાં ખૂંખાર આતંકવાદી હાફિઝ સઇદના સંગઠનો જમાત-ઉદ-દાવા અને ફલાહ-એ-ઇન્સાનિયતની ઓફિસો પુરજોશમાં ચાલી રહી છે. હવે આંતરરાષ્ટ્રીય દબાણના કારણે પાકિસ્તાન સરકારે પગલું ભરતા હાફિઝના બન્ને સંગઠનોના બેન્ક એકાઉન્ટ્સ સીઝ કરી દીધા છે.

પીએમ શાહિદ ખકાન અબ્બાસીએ પણ આતંકવાદી હાફિઝના સંગઠનો જમાત-ઉદ-દાવા અને ફલાહ-એ-ઇન્સાનિયત વિરુદ્ધ એક્શન લીધી છે.

વળી, આંતરિક મંત્રાલયે આતંકવાદી હાફિઝના સંગઠનો જમાત-ઉદ-દાવા અને ફલાહ-એ-ઇન્સાનિયતની બધી મિલકતોને પણ જપ્ત કરવાનો આદેશ આપી દીધો છે. આ કારણે બન્ને સંગઠનો સાથે જોડાયેલા 70થી વધુ લોકોના એકાઉન્ટ પણ સીઝ થયા છે. બન્ને સંગઠનો પાસે લગભગ 1 કરોડ 10 લાખ પાકિસ્તાની રૂપિયા ઉપલબ્ધ છે. વળી આ 70 લોકો સામે 141 કેસોની ઓળખ પણ કરવામાં આવી છે.