PM Kisan Yojana: PM નરેન્દ્ર મોદીએ કિસાન નિધિનો 15મો હપ્તો જાહેર કર્યો, આઠ કરોડથી વધુ ખેડૂતોના ખાતામાં પહોંચ્યા રૂપિયા
PM Kisan Samman Nidhi Yojana 15th Installment Released: પ્રધાનમંત્રી કિસાન સન્માન નિધિનો 15મો હપ્તો જાહેર કરી દેવામાં આવ્યો છે
PM Kisan Samman Nidhi Yojana 15th Installment Released: પ્રધાનમંત્રી કિસાન સન્માન નિધિનો 15મો હપ્તો જાહેર કરી દેવામાં આવ્યો છે. પીએમ નરેન્દ્ર મોદીએ આ યોજનાનું ફંડ ખેડૂતોના ખાતામાં ટ્રાન્સફર કર્યું છે. આ વખતે આ યોજના હેઠળ 8 કરોડથી વધુ ખેડૂતોને લાભ આપવામાં આવ્યો છે. આ યોજના હેઠળ લગભગ 18 કરોડ રૂપિયાની રકમ ટ્રાન્સફર કરવામાં આવી છે.
माननीय प्रधानमंत्री श्री @narendramodi द्वारा खूंटी, झारखंड से पीएम किसान सम्मान निधि योजना की 15वीं क़िस्त का हस्तांतरण ।
— Pradhan Mantri Kisan Samman Nidhi (@pmkisanofficial) November 15, 2023
पीएम किसान सम्मान निधि योजना की अब तक 15 किस्तों में ₹2.80 लाख करोड़ रूपये की धनराशि 11 करोड़ से अधिक किसान परिवारों को हस्तांतरित की जा चुकी है।#PMKisan pic.twitter.com/LTiGZULbYq
વડાપ્રધાન નરેન્દ્ર મોદીએ ઝારખંડના ખૂંટીમાં આયોજિત એક કાર્યક્રમમાં આ હપ્તો ટ્રાન્સફર કર્યો છે. આ યોજનાનો ઉદ્દેશ્ય ખેડૂતોને આર્થિક મદદ કરવાનો છે. ખેડૂતોને તેમની કૃષિ અને અન્ય ઇમરજન્સી જરૂરિયાતોને પહોંચી વળવા સરકાર દ્વારા સહાય પૂરી પાડવામાં આવે છે.
જો કોઈ ખેડૂત યોજના સંબંધિત વધુ માહિતી માંગે છે તો તે pmkisan-ict@gov.in પર ઈમેલ મોકલી શકે છે. આ સિવાય તેઓ હેલ્પલાઇન નંબર 155261 અથવા 1800115526 અથવા 011-23381092 પર સંપર્ક કરી શકે છે.
શું છે યોજના?
પ્રધાનમંત્રી કિસાન સન્માન નિધિ યોજના એ સરકાર દ્વારા ચલાવવામાં આવતી એક યોજના છે જે દેશના તમામ ખેડૂત પરિવારોને આર્થિક મદદ પૂરી પાડે છે. આ યોજના હેઠળ દરેક લાભાર્થી ખેડૂત પરિવારને ત્રણ સમાન હપ્તામાં દર વર્ષે 6,000 રૂપિયા આપવામાં આવે છે.
યોજનાનો ઉદ્દેશ્ય ખેડૂતોની આવકમાં વધારો, ખેડૂતોની આર્થિક સ્થિતિમાં સુધારો, ખેડૂતોનું જીવનધોરણ સુધારવા અને કૃષિ ક્ષેત્રના વિકાસને પ્રોત્સાહન આપવાનો છે. યોજના દ્વારા દરેક ખેડૂત પરિવારને ત્રણ સમાન હપ્તામાં દર વર્ષે 6,000 રૂપિયા મળે છે. પહેલો હપ્તો એપ્રિલ મહિનામાં, બીજો હપ્તો જુલાઈ મહિનામાં અને ત્રીજો હપ્તો નવેમ્બર મહિનામાં આપવામાં આવે છે.
કઇ રીતે ચેક કરશો ખાતામાં પૈસા આવ્યા કે નહીં ?
ઓફિશિયલ વેબસાઈટની મદદથી: સૌ પ્રથમ ખેડૂત ભાઈઓ, પીએમ કિસાનની ઓફિશિયલ વેબસાઈટ pmkisan.gov.in પર જાઓ. આ પછી કિસન ભાઈ હૉમ પેજ પર "બેનિફિશિયરી સ્ટેટસ" પર ક્લિક કરો. પછી અહીં તમારે તમારો મોબાઈલ નંબર અથવા રજીસ્ટ્રેશન નંબર નાખવો પડશે. હવે ખેડૂત ભાઈઓ "Get Data" પર ક્લિક કરો. આ પછી ખેડૂતને તેના ખાતાની સ્થિતિ વિશે માહિતી મળશે.
SMS દ્વારા: જો તમે SMS દ્વારા PM કિસાન સન્માન નિધિના હપ્તાનું સ્ટેટસ ચેક કરવા માંગો છો, તો તમારે તમારા રજીસ્ટર્ડ મોબાઈલ નંબર પરથી "STATUS" લખીને 8923020202 પર મોકલવાનું રહેશે. જે બાદ તમને એક SMS મળશે. આમાં તમને હપ્તાની સ્થિતિ વિશે માહિતી આપવામાં આવશે.
કિસાન કૉર્નર એપ્લિકેશન દ્વારા તપાસો: તમે કિસાન કોર્નર એપ્લિકેશનની મદદથી પીએમ કિસાન સન્માન નિધિના હપ્તાની સ્થિતિ ચકાસી શકો છો. આ માટે તમારે તમારા મોબાઈલમાં કિસાન કોર્નર એપ ડાઉનલોડ કરવાની રહેશે. એપ્લિકેશન ખોલ્યા પછી, "બેનિફિશિયલી સ્ટેટ્સ" પર ક્લિક કરો. જ્યાં તમારે તમારો મોબાઈલ નંબર અથવા રજીસ્ટ્રેશન નંબર દાખલ કરવાનો રહેશે. હવે "Get Data" પર ક્લિક કરો. જે બાદ તમને માહિતી મળશે
ટોપ સ્ટોરી
ટ્રેન્ડિંગ સમાચાર
