Harley Davidson : રોયલ એનફિલ્ડની મુશ્કેલીઓ વધારશે હાર્લે ડેવિડસનની આ બાઈક

ભારતમાં આ બાઇકના વેચાણ માટે હાર્લી ડેવિડસન Hero MotoCorp સાથે મળીને તેને વેચવા પર કામ કરી રહી છે, પરંતુ હજુ સુધી કંપની દ્વારા કોઈ સત્તાવાર માહિતી આપવામાં આવી નથી.

હાર્લી ડેવિડસન

New Harley Bike: પ્રીમિયમ બાઇક ઉત્પાદક હાર્લી ડેવિડસને અત્યાર સુધીની સૌથી સસ્તી બાઇક રજૂ કરી છે. તેમાં 350 સીસીનું એન્જિન આપવામાં આવ્યું છે અને તેનું નામ X350 રાખવામાં આવ્યું છે. દેખાવની બાબતમાં આ બાઇક કંપનીના સ્પોર્ટસ્ટર XR1200X જેવી લાગે છે, જેને કંપનીએ બંધ કરી દીધી છે. આ બાઇકમાં આપવામાં આવેલ રાઉન્ડ હેડલેમ્પ ક્લાસિક લુક આપવાનું કામ કરે છે. નવી બાઇકમાં ટીયર-ડ્રોપ શેપની ફ્યુઅલ ટેન્ક આપવા ઉપરાંત તેનો પાછળનો લુક પણ શાનદાર છે. ભારતમાં આ બાઇક આવ્યા બાદ રોયલ એનફિલ્ડની મુશ્કેલીઓ વધી જશે.

આ નવી હાર્લી બાઇકમાં એલઇડી હેડલેમ્પ, ટેલ લાઇટ તેમજ આગળના ભાગમાં અપસાઇડ-ડાઉન ફોર્ક્સ, પાછળના ભાગમાં મોનો-શોક છે. વધુમાં બ્રેક્સ ચાર-પિસ્ટન કૅલિપર્સ સાથે સિંગલ ડિસ્ક અપ-ફ્રન્ટ અને સિંગલ-પિસ્ટન કૅલિપર સાથે સિંગલ ડિસ્ક છે. આ બાઇકનું વજન 180 કિલો છે.

x350 એન્જિન

નવી X350 સ્પોર્ટ્સ બાઇકમાં 353 cc સમાંતર-ટ્વીન એન્જિન છે, જે 36.2bhpનો મહત્તમ પાવર અને 31NMનો ટોર્ક ઉત્પન્ન કરવામાં સક્ષમ છે. સાથે જ તેમાં 6-સ્પીડ ગિયરબોક્સ પણ ઉપલબ્ધ છે. ભારતમાં રોયલ એનફિલ્ડ દ્વારા આવા પાવરફુલ એન્જીનવાળી બાઇક્સ પણ વેચવામાં આવે છે.

કિંમત

હાર્લીએ હાલમાં જ ચીનમાં આ સ્પોર્ટ્સ બાઇક લોંચ કરી છે. જેની કિંમત 33,000 યુઆન (લગભગ 3.93 લાખ ભારતીય રૂપિયા) છે. હાર્લી ડેવિડસને ચીનની કંપની QJ મોટર્સ સાથે મળીને આ બાઇક તૈયાર કરી છે. ક્યુજે મોટર્સ એ બેનેલીની માલિકીની કંપની છે, જે ભારતીય બજારમાં પહેલેથી જ તેની બાઇકનું વેચાણ કરી રહી છે.

ભારતમાં ક્યારે થશે લોંચ?

ભારતમાં આ બાઇકના વેચાણ માટે હાર્લી ડેવિડસન Hero MotoCorp સાથે મળીને તેને વેચવા પર કામ કરી રહી છે, પરંતુ હજુ સુધી કંપની દ્વારા કોઈ સત્તાવાર માહિતી આપવામાં આવી નથી. આશા છે કે ભારતમાં આ બાઇકની એન્ટ્રી ટૂંક સમયમાં થશે.

 

Honda Motorcycle and Scooter India (HMSI) એ આજે ​​(બુધવાર, 15 માર્ચ) તેની સૌથી સસ્તી બાઇક શાઇન 100cc લૉન્ચ કરી છે. આ બાઇક દેશમાં સૌથી વધુ વેચાતી Hero Splendor, HF Deluxe અને Bajaj Platina ને સ્પર્ધા આપશે. આ બાઇક કંપનીની લોકપ્રિય Honda Shine 125ccનું નાનું વર્ઝન છે. તેની પ્રારંભિક કિંમત 64,900 રૂપિયા (એક્સ-શોરૂમ, મુંબઈ) રાખવામાં આવી છે. ઓલ ન્યૂ હોન્ડા શાઈનનું બુકિંગ આજથી શરૂ થઈ ગયું છે. બાઇકની ડિલિવરી મે-2023માં શરૂ થશે. તે પાંચ કલર સ્કીમમાં ઉપલબ્ધ હશે.