5 નવેમ્બરે લૉન્ચ થશે Royal Enfield ની નવી બાઇક, ન્યૂ સ્ટાઇલ અને ફિચર્સની સાથે આવશે મૉટરસાયકલ

Royal Enfield Bear 650 Expected Price: રૉયલ એનફિલ્ડની આ નવી બાઇકને 60ના દાયકાના સ્ક્રેબલરની જેમ ડિઝાઇન કરવામાં આવી છે

(તસવીર- એબીપી લાઇવ)

Source : એબીપી લાઇવ

Royal Enfield Bear 650 Expected Price: રૉયલ એનફિલ્ડની બાઈક માત્ર ભારતીય બજારમાં જ નહીં પરંતુ વૈશ્વિક બજારમાં પણ ઘણી લોકપ્રિય છે. બ્રિટિશ ઓટોમેકર્સ હવે બીજી નવી બાઇક સાથે સ્પ્લેશ બનાવવાની તૈયારી કરી રહ્યા છે. Royal Enfieldની નવી બાઇક Bear 650 5 નવેમ્બરે લૉન્ચ થવા જઈ રહી છે. આ બાઇકને ઇટાલીના મિલાન શહેરમાં EICMA મોટર શૉમાં રજૂ કરવામાં આવશે. ઓટોમેકર્સે આ બાઇકનો ફોટો જાહેર કરીને તેની સ્ટાઇલ અને લૂક જાહેર કર્યો છે.

રૉયલ એનફિલ્ડ Bear 650 
Royal Enfield Bear 650 નો ક્રેઝ લોકોમાં ઘણા સમયથી ચાલી રહ્યો છે. લોકો લગભગ બે વર્ષથી આ બાઇકના લૉન્ચની રાહ જોઈ રહ્યા હતા. આ બાઇક ગ્લૉબલ માર્કેટમાં પાંચ કલર વેરિઅન્ટ સાથે આવવા જઈ રહી છે. આ બાઇક ઇન્ટરસેપ્ટર 650 જેવા 650 સીસી પ્લેટફોર્મ પર આધારિત હશે. આ નવી મોટરસાઇકલમાં ઇન્ટરસેપ્ટર 650 જેવું જ એન્જિન અને ચેસિસ હશે, પરંતુ સસ્પેન્શન અને વ્હીલ્સ અલગ હશે.

Bear 650 ની ડિઝાઇન 
રૉયલ એનફિલ્ડની આ નવી બાઇકને 60ના દાયકાના સ્ક્રેબલરની જેમ ડિઝાઇન કરવામાં આવી છે. આ બાઇકમાં આગળના ભાગમાં 19-ઇંચના સ્પોક્ડ વ્હીલ્સ છે. તેના પાછળના વ્હીલમાં 17 ઇંચના વ્હીલનો ઉપયોગ કરવામાં આવ્યો છે. આ બાઇકને 184 mmનું ગ્રાઉન્ડ ક્લિયરન્સ આપવામાં આવ્યું છે. Bear 650 ની સીટની લંબાઈ 830 mm છે, જે તમામ 650 cc મોડલ્સમાં ઓફર કરવામાં આવતી સૌથી લાંબી સીટ છે.

રૉયલ એનફિલ્ડની બાઇકમાં હશે આ એન્જિન 
Royal Enfield Bear 650 માં 648 cc ઓઇલ અને એર-કૂલ્ડ સમાંતર-ટ્વીન એન્જિન છે. આ એન્જિન 7,150 rpm પર 47 bhp પાવર પ્રદાન કરે છે અને 5,150 rpm પર 56.5 Nm ટોર્ક જનરેટ કરે છે. આ બાઇકની મોટર 6-સ્પીડ ગિયર બોક્સથી સજ્જ છે. Bear 650માં સ્ક્રૅમ્બલરની જેમ વિશાળ હેન્ડલબાર આપવામાં આવ્યું છે. આ બાઇક ડ્યુઅલ ચેનલ એબીએસથી પણ સજ્જ છે. આ બાઇકમાં યુએસબી ટાઇપ સી ચાર્જિંગ પોર્ટ પણ છે.

શું હશે રૉયલ એનફિલ્ડ Bear 650 ની કિંમત ? 
Royal Enfield Bear 650 ની કિંમત બાઇકના લૉન્ચિંગ સમયે જ જાહેર કરવામાં આવશે. આ નવી બાઇકની એક્સ-શોરૂમ કિંમત 3.5 લાખ રૂપિયા છે. હાલમાં માર્કેટમાં એવી કોઈ બાઇક નથી જે આ બાઇકને ટક્કર આપી શકે.

આ પણ વાંચો