આખરે તારીખ આવી ગઈ! મારુતિ આ દિવસે લોન્ચ કરશે પોતાની પહેલી ઇલેક્ટ્રિક કાર, જાણો કિંમત અને ફીચર્સ
Maruti e-Vitara launch date: મારુતિ ઇ-વિટારા: સલામતી, ટેકનોલોજી અને ડિઝાઇનમાં શ્રેષ્ઠ, વૈશ્વિક બજારમાં પણ થશે નિકાસ.
ભારતીય બજારમાં દાયકાઓથી પ્રભુત્વ જમાવી ચૂકેલી મારુતિ સુઝુકી (Maruti Suzuki) હવે ઇલેક્ટ્રિક વાહન (Electric Vehicle - EV) સેગમેન્ટમાં પોતાનો પદાર્પણ કરવા જઈ રહી છે. કંપનીએ તેની પહેલી ઇલેક્ટ્રિક કાર, મારુતિ ઇ-વિટારા (Maruti e-Vitara) ના લોન્ચની તારીખનો ખુલાસો કર્યો છે, જે ભારતીય ઓટોમોબાઈલ ઉદ્યોગ માટે એક મહત્વપૂર્ણ ઘટના બનશે. ઇ-વિટારાને સૌપ્રથમ ઓટો એક્સ્પો 2023 માં કોન્સેપ્ટ મોડેલ EVX (Concept Model EVX) તરીકે રજૂ કરવામાં આવી હતી અને તાજેતરમાં ઇન્ડિયા મોબિલિટી ગ્લોબલ એક્સ્પો 2025 માં તેને પ્રદર્શિત કરાઈ હતી. આ SUV માત્ર ભારતમાં જ વેચાણ માટે ઉપલબ્ધ નહીં હોય, પરંતુ તેને ગુજરાતના (Gujarat) સુઝુકી મોટર પ્લાન્ટમાંથી (Suzuki Motor Plant) જાપાન (Japan) અને યુરોપ (Europe) સહિત અન્ય દેશોમાં પણ નિકાસ કરવામાં આવશે, જે ભારતમાં EV ઉત્પાદન માટે એક મોટું સીમાચિહ્ન બનશે.
આકર્ષક રંગો અને પ્રીમિયમ સુવિધાઓ
મારુતિ સુઝુકી ઇ-વિટારાને કુલ 10 આકર્ષક રંગ વિકલ્પોમાં લોન્ચ કરવાની તૈયારી કરી રહી છે, જેમાં 6 મોનો-ટોન (Mono-tone) અને 4 ડ્યુઅલ-ટોન (Dual-tone) રંગોનો સમાવેશ થાય છે. મોનો-ટોન વિકલ્પોમાં નેક્સા બ્લુ (Nexa Blue), સ્પ્લેન્ડિડ સિલ્વર (Splendid Silver), આર્કટિક વ્હાઇટ (Arctic White), ગ્રાન્ડિયર ગ્રે (Grandeur Gray), બ્લુશ બ્લેક (Bluish Black) અને ઓપ્યુલન્ટ રેડ (Opulent Red) જેવા આધુનિક રંગો શામેલ છે.
ઇ-વિટારાને પ્રીમિયમ અનુભવ આપવા માટે, કંપની તેમાં LED હેડલાઇટ (LED Headlights), DRL (Daytime Running Lights) અને ટેલલેમ્પ (Tail Lamps) જેવી સુવિધાઓ આપશે તેવી અપેક્ષા છે. આ SUV માં 18-ઇંચના વ્હીલ્સ (Wheels) અને એક્ટિવ એર વેન્ટ ગ્રિલ (Active Air Vent Grille) આપવામાં આવશે, જે તેની એરોડાયનેમિક કાર્યક્ષમતામાં (Aerodynamic Efficiency) વધારો કરશે. આંતરિક ભાગમાં, પેનોરેમિક સનરૂફ (Panoramic Sunroof), મલ્ટી-કલર એમ્બિયન્ટ લાઇટિંગ (Multi-color Ambient Lighting) જેવી વૈભવી સુવિધાઓ છે. ડિજિટલ સુવિધાઓમાં 10.25-ઇંચનું ડિજિટલ ઇન્સ્ટ્રુમેન્ટ ક્લસ્ટર (Digital Instrument Cluster) અને 10.1-ઇંચની ટચસ્ક્રીન ઇન્ફોટેનમેન્ટ સિસ્ટમ (Touchscreen Infotainment System) શામેલ છે, જે વાયરલેસ એન્ડ્રોઇડ ઓટો (Wireless Android Auto) અને એપલ કારપ્લેને (Apple CarPlay) સપોર્ટ કરશે.
સલામતીમાં કોઈ સમાધાન નહીં અને અંદાજિત કિંમત
મારુતિ ઇ-વિટારા સલામતીની દ્રષ્ટિએ કોઈથી ઓછી નથી. તેમાં લેવલ 2 ADAS (Advanced Driver-Assistance Systems) ટેકનોલોજી આપવામાં આવશે, જેમાં લેન કીપ આસિસ્ટ (Lane Keep Assist) અને એડેપ્ટિવ ક્રુઝ કંટ્રોલ (Adaptive Cruise Control) જેવી અદ્યતન સલામતી સુવિધાઓ શામેલ હશે. SUV માં કુલ 7 એરબેગ્સ (Airbags) હશે જે ડ્રાઇવર અને મુસાફરો બંનેની સર્વોચ્ચ સલામતી સુનિશ્ચિત કરે છે. અન્ય મહત્વપૂર્ણ સલામતી સુવિધાઓમાં બ્લાઇન્ડ સ્પોટ મોનિટર (Blind Spot Monitor), ટાયર પ્રેશર મોનિટર (Tyre Pressure Monitor), 360-ડિગ્રી કેમેરા (360-Degree Camera) અને આગળ-પાછળના પાર્કિંગ સેન્સરનો (Parking Sensors) સમાવેશ થાય છે.
મારુતિ સુઝુકી ઇ-વિટારા સંભવિત રીતે ₹17 લાખથી ₹18 લાખની પ્રારંભિક એક્સ-શોરૂમ (Ex-showroom) કિંમતે લોન્ચ થઈ શકે છે. જ્યારે તેના ટોપ સ્પેક (Top Spec) વેરિઅન્ટની કિંમત ₹25 લાખ સુધી પહોંચી શકે છે. આ ઇલેક્ટ્રિક SUV ભારતમાં EV બજારમાં એક નવો પરિવર્તન લાવશે તેવી અપેક્ષા છે.
ટોપ સ્ટોરી
ટ્રેન્ડિંગ સમાચાર
