Suzuki Electric Scooter: ટૂંક સમયમાં લોન્ચ થશે Suzuki નું આ ઈલેક્ટ્રિક સ્કૂટર, જાણો કિંમત અને ફીચર્સ

સ્કૂટર એક વખત ચાર્જ કરવા પર 100 થી 120 કિમીની રેન્જ આપશે. આ સ્કૂટરની ટોપ સ્પીડ 80 kmph હશે.

(પ્રતીકાત્મક તસવીર)

નવી દિલ્હીઃ દેશમાં ચાલુ વર્ષે અનેક ઈલેકટ્રિક સ્કૂટર લોન્ચ થવાનું છે. વર્ષ 2021માં સૌથી પહેલા સુઝુકીનું Burgman માર્કેટમાં લોન્ચ થશે. કંપની તેને ઈલેકટ્રોનિક સેગમેંટમાં લઈને આવી રહી છે. આ સ્કૂટરની કિંમત એક લાખ રૂપિયા આસપાસ હોઈ શકે છે. ભારતીય માર્કેટમાં સુઝુકીનું આ પ્રથમ સ્કૂટર હશે. તેમાં લિથિયમ આયન બેટરીની સાથે લોન્ચ કરવામાં આવી શકે છે. સ્કૂટર એક વખત ચાર્જ કરવા પર 100 થી 120 કિમીની રેન્જ આપશે. આ સ્કૂટરની ટોપ સ્પીડ 80  kmph હશે. આવા હોઇ શકે છે ફીચર્સ સુઝુકીના આ સ્કૂટરમાં ફ્રંટ ડિસ્ક બ્રેક, એલોય વ્હીલ અને ટ્યૂબલેસ ટાયર જેવા ફીચર્સ આપવામાં આવી શકે છે. આ ઈલેકટ્રિક સ્કૂટરમાં સ્માર્ટફોન કનેક્ટિવિટી તથા એક ડેડિકેટેડ એપ પણ આપવામાં આવી શકે છે. જે માત્ર ચાર સેકંડમાં 0 થી 40kmph સુધીની સ્પીડ પકડી લેશે.

આવી હોઇ શકે છે  ડિઝાઇન આ સ્કૂટરના પ્રોટોટાઇપ મોડલની તસવીર સામે આવી છે. જેનાથી તે એલઈડી ડીઆરએલ્સની સાથે હેલોઝન હેડલેમ્પ સહિત લોન્ચ થાય તેવી શક્યતા છે. હાલ માર્કેટમાં તેનું પેટ્રોલ વર્ઝન ઉપલબ્ધ છે, જેમાં ફૂલ એલઇડી સેટઅપ આપવામાં આવ્યું છે. આ સ્કૂટરની કિંમત લાખ રૂપિયા આસપાસ હોઈ શકે છે. આની સાથે થશે મુકાબલો ભારતીય બજારમાં Suzuki Burgman EV નો મુકાબલો Bajaj Chetakસાથે થઈ શકે છે. માર્કેટમાં બજાજ સ્કૂટરની કિંમત  એક લાખથી શરૂ થાય છે.  સિવાય TVS iQubeને પણ ટક્કર આપશે.