Tata Tiago EV: ટાટાએ દેશની સૌથી સસ્તી ઇલેક્ટ્રિક કાર લોન્ચ કરી, સિંગલ ચાર્જ પર 310 કિમી ચાલશે

આ ઇલેક્ટ્રિક કારમાં ઇલેક્ટ્રિક મોટર 74 bhp પાવર અને 170 Nm ટોર્ક જનરેટ કરે છે જે 26kWh બેટરી પેક સાથે જોડાયેલ છે.

Tata Tiago EV લોન્ચ

Tata Tiago EV Launched: તહેવારોની સીઝન શરૂ થઈ ગઈ છે અને આ સમય દરમિયાન ઓટોમોબાઈલ માર્કેટમાં પણ ઘણો ઉત્સાહ જોવા મળી રહ્યો છે. આ ઉત્સાહમાં વધારો કરતાં ટાટા મોટર્સે આજે ઇલેક્ટ્રિક કારના સેગમેન્ટમાં બીજું મોડલ લોન્ચ કર્યું છે. આ નવી કાર Tata Tiago EV છે. તે દેશની સૌથી સસ્તી ઇલેક્ટ્રિક કાર છે. આ કાર તમે માત્ર 8.49 લાખ રૂપિયામાં ખરીદી શકો છો. તમે તેને 10 ઓક્ટોબરથી બુક કરાવી શકશો અને તેની ડિલિવરી જાન્યુઆરી 2023થી શરૂ થશે.

કેવું છે ઇન્ટીરિયર

પેટ્રોલ વર્ઝનની સરખામણીમાં Tigor EVના ઈન્ટિરિયરમાં નાના ફેરફારો કરવામાં આવ્યા છે. તેના ડેશબોર્ડને ડ્યુઅલ કલરમાં રજૂ કરવામાં આવ્યું છે. આ સાથે પ્રીમિયમ લેધર સીટ કવર્સ, હરમનની ઈન્ફોટેનમેન્ટ સિસ્ટમ, વધુ ઉત્તમ સીટ કુશન આપવામાં આવ્યા છે. આ કારનું બેઝિક પ્લેટફોર્મ પહેલા જેવું જ છે.

રેન્જ કેટલી છે?

આ ઇલેક્ટ્રિક કારમાં ઇલેક્ટ્રિક મોટર 74 bhp પાવર અને 170 Nm ટોર્ક જનરેટ કરે છે જે 26kWh બેટરી પેક સાથે જોડાયેલ છે. આ ઇલેક્ટ્રિક કાર સિંગલ ચાર્જમાં 310 કિમી સુધીની રેન્જ આપવામાં સક્ષમ છે. આ સાથે આમાં ફાસ્ટ ચાર્જર પણ આપવામાં આવ્યું છે, જેની મદદથી તેને માત્ર 1 કલાકમાં 0 થી 80 ટકા સુધી ચાર્જ કરી શકાય છે.

વિશેષતા

Tata Tiago EV સ્માર્ટવોચ કનેક્ટિવિટી સાથે Z કનેક્ટ, ડિજિટલ ઇન્સ્ટ્રુમેન્ટ ક્લસ્ટર, મલ્ટિપલ ડ્રાઇવ મોડ્સ, ફોગ લેમ્પ્સ, મલ્ટી-મોડ રિજન ફંક્શન, ફ્લેટ-બોટમ સ્ટીયરિંગ વ્હીલ, ક્રૂઝ કંટ્રોલ, ટચસ્ક્રીન ઇન્ફોટેનમેન્ટ સિસ્ટમ જેવી સુવિધાઓ મેળવે છે.

કિંમત કેટલી છે?

Tata Tiago EV ભારતની સૌથી સસ્તી ઇલેક્ટ્રિક કાર છે. કંપનીએ આ નવી ઇલેક્ટ્રિક કારની એક્સ-શોરૂમ કિંમત 8.49 લાખ રૂપિયા રાખી છે.

Tata Tiago EV સેગમેન્ટમાં પ્રથમ ઇલેક્ટ્રિક કાર છે

Tata Tiago EV હેચબેક સેગમેન્ટમાં દેશની પ્રથમ ઈલેક્ટ્રિક કાર છે, જેના કારણે તેના માટે માર્કેટમાં હજુ વધારે સ્પર્ધા નથી. પરંતુ આવનારા સમયમાં આ સેગમેન્ટમાં અન્ય ઈલેક્ટ્રિક કાર લોન્ચ થઈ શકે છે.

ઓટો જાયન્ટ પહેલેથી જ Tata Nexon EV અને Tata Tigor EV જેવા મોડલ સાથે દેશમાં EV સેગમેન્ટમાં આગળ છે. Tata Tiago EV સેગમેન્ટમાં ભારતની પ્રથમ પ્રીમિયમ હેચબેક બની છે. DC ફાસ્ટ ચાર્જર વડે ટિયાગો બેટરીને 80% સુધી ચાર્જ કરવામાં 57 મિનિટનો સમય લાગશે.