Budget 2025: નિર્મલા સીતારમણ એક ફેબ્રુઆરી 2025ના રોજ સતત આઠમી વખત બજેટ રજૂ કરી બનાવશે નવો રેકોર્ડ
Budget 2025: એક ફેબ્રુઆરી, 2025ના રોજ નાણામંત્રી નિર્મલા સીતારમણ સંસદમાં બજેટ રજૂ કરવાના છે
Budget 2025: એક ફેબ્રુઆરી, 2025ના રોજ નાણામંત્રી નિર્મલા સીતારમણ સતત આઠમી વખત બજેટ રજૂ કરશે અને આ સાથે આવકવેરા સ્લેબમાં ફેરફાર, ફુગાવા નિયંત્રણ અને સ્ટાન્ડર્ડ ડિડક્શનને વધારો થાય તેવી અપેક્ષા છે. એક ફેબ્રુઆરી, 2025ના રોજ નાણામંત્રી નિર્મલા સીતારમણ સંસદમાં બજેટ રજૂ કરવાના છે. આ બજેટ સત્ર 31 જાન્યુઆરીથી શરૂ થશે અને પહેલું બજેટ 1 ફેબ્રુઆરીએ રજૂ કરવામાં આવશે. આ વખતે નિર્મલા સીતારમણ સતત આઠમી વખત બજેટ રજૂ કરીને એક નવો રેકોર્ડ બનાવશે.
નાણામંત્રીનો રેકોર્ડ તૂટશે
આ વખતે બજેટ રજૂ કરીને નિર્મલા સીતારમણ સતત આઠમી વખત બજેટ રજૂ કરવાનો રેકોર્ડ બનાવશે. અગાઉ સી.ડી. દેશમુખે 1951થી 1956 દરમિયાન સતત છ વખત બજેટ રજૂ કર્યું. મોરારજી દેસાઈએ પણ છ વખત બજેટ રજૂ કર્યું હતું પરંતુ કુલ 10 વખત બજેટ રજૂ કરવાનો રેકોર્ડ તેમના નામે છે. હવે નિર્મલા સીતારમણ પોતાનો રેકોર્ડ પાછળ છોડી જવા જઈ રહી છે.
બજેટ સત્રની શરૂઆત
બજેટ સત્ર 31 જાન્યુઆરીએ રાષ્ટ્રપતિ દ્રૌપદી મુર્મૂના સંબોધન સાથે શરૂ થશે. 1 ફેબ્રુઆરી, 2025ના રોજ શનિવાર હોવા છતાં NSE અને BSE પર ટ્રેડિંગ ચાલુ રહેશે. આ પછી સત્રનો પહેલો ભાગ 13 ફેબ્રુઆરીએ સમાપ્ત થશે. બીજું સત્ર 10 માર્ચથી શરૂ થશે અને 4 એપ્રિલ સુધી ચાલુ રહેશે.
સામાન્ય માણસ માટે આશાઓ
આ બજેટથી સામાન્ય માણસને ઘણી અપેક્ષાઓ છે. સૌથી મોટી અપેક્ષા આવકવેરા સ્લેબમાં ફેરફારની છે. આમાં પગાર મર્યાદા વધારી શકાય છે, જે લોકોને રાહત આપી શકે છે. આ સાથે ફુગાવો અને હેલ્થકેર ખર્ચ પણ નિયંત્રિત થવાની અપેક્ષા છે. સરકાર પાસેથી એવી પણ અપેક્ષા રાખવામાં આવે છે કે સ્ટાન્ડર્ડ ડિડક્શન 5૦ હજાર રૂપિયાથી વધારીને 1 લાખ રૂપિયા કરવામાં આવી શકે છે.
ઘણા ક્ષેત્રો માટે આશા
વિવિધ ક્ષેત્રોને પણ બજેટ પાસેથી ઘણી અપેક્ષાઓ છે. વ્યવસાય, ઉદ્યોગ અને શિક્ષણ સંબંધિત યોજનાઓ પર ધ્યાન કેન્દ્રિત કરવાની શક્યતા છે. આ ઉપરાંત કૃષિ, રોજગાર અને પર્યાવરણ ક્ષેત્રે પણ નવા પગલાંની જાહેરાત થઈ શકે છે.
આ બજેટ સત્રથી લોકોને રાહત આપવાની સાથે આર્થિક સ્થિતિમાં પણ સુધારો થવાની અપેક્ષા છે. હવે જોવાનું એ રહે છે કે નાણામંત્રી નિર્મલા સીતારમણ તેમની યોજનાઓ દ્વારા સામાન્ય લોકો અને વિવિધ ક્ષેત્રો માટે કેવા પ્રકારના પરિવર્તન લાવે છે.
Budget 2025: કરદાતાઓ માટે ખુશખબર? ઈન્કમ ટેક્સમાં મળી શકે છે આ 5 મોટી રાહતો
ટોપ સ્ટોરી
ટ્રેન્ડિંગ સમાચાર
