શેરબજારમાં કડાકો, સેન્સેક્સ 1000 પોઇન્ટ તૂટ્યો, રૂપિયો અત્યાર સુધીના સૌથી નીચલા સ્તર પર

નવી દિલ્હીઃ ગુરુવારે ભારતીય શેરબજારની કડાકા સાથે શરૂઆત થઈ હતી. સેન્સેક્સ 697.07 પોઈન્ટ ઘટાડા સાથે 34,062.82 પર અને નિફ્ટી 290.3 પોઇન્ટ ઘટીને 10,169.80 પર ખુલી હતી. થોડી જ વારમાં સેન્સેક્સ 1000 પોઈન્ટથી વધારે તૂટ્યો હતો.

રૂપિયાની શરૂઆત પણ ઘટાડા સાથે થઈ હતી. ડોલર સામે રૂપિયો આજે 10 પૈસા તૂટીને 74.30 પર ખુલ્યો હતો. જોકે થોડી જ વારમાં ઘટીને તે 74.47ના સૌથી નીચા સ્તર પર પહોંચી ગયો હતો. બુધવારે રૂપિયો 74.20ના સ્તર પર બંધ થયો હતો.