RBIએ વ્યાજ દરમાં 0.25 પોઈન્ટનો વધારો કર્યો

આરબીઆઈએ નાણાંકીય વર્ષ 2019 ગ્રોથ અનુમાન 7.4 ટકા પર જાળવી રાખ્યું છે. એપ્રિલ-સપ્ટેમ્બરની વચ્ચે જીડીપી ગ્રોથ 7.5-7.6 ટકા રહેવાનો અંદાજ છે. ઓક્ટોબર-માર્ચની વચ્ચે જીડીપી ગ્રોથ 7.3-7.4 ટકા રહેવાનો અંદાજ છે. આરબીઆઈએ મોંઘવારી દરનું અનુમાન વધાર્યું છે. એપ્રિલ-સપ્ટેમ્બરની વચ્ચે મોંઘવારી દર 4.8-4.9 ટકા રહેવાનો અંદાજ છે. ઓક્ટોબર-માર્ચની વચ્ચે મોંઘવારી દર 4.7 ટકા રહેવાનો અંદાજ છે.

નવી દિલ્હીઃ રિઝર્વ બેંકે ક્રેડિટ પોલિસીમાં વ્યાજ દરમાં ફેરફારની જાહેરાત કરી છે. આરબીઆઈએ રેપો રેટ 0.25 ટકા વધારીને 6.25 ટકા કર્યો છે. જ્યારે રિવર્સ રેપો રેટ પણ 0.25 ટકા વધીને 6 ટકા કરવામાં આવ્યો છે. સમિતિના બધા જ સભ્યોએ રેપો રેટમાં વધારાના પક્ષમાં વોટ કર્યો હતો.