શોધખોળ કરો

SBI એ ગ્રાહકોને આપ્યો મોટો ઝટકો, હોમ અને કાર લોન થશે મોંઘી, જાણો વિગતે

By : એબીપી અસ્મિતા વેબ ટીમ | Updated at : 10 Dec 2018 05:05 PM (IST)

1/4

SBI પહેલા ICICI બેંક અને HDFC બેંકે પણ પોતાના વ્યાજ દરોમાં વધારો કરી ચૂકી છે. 1 ડિસેમ્બરે ICICI બેંકે શોર્ટ ટર્મ MCLRને 0.1 ટકા વધાર્યો હતો. ત્યારબાદ બેંકની એક, ત્રણ અને 6 મહિનાની અવધીવાળી લોન MCLR ક્રમશ: 8.55 ટકા, 8.6 ટકા અને 8.75 ટકા થઈ ગયો હતો.

2/4

MCLRને માર્જિનલ કોસ્ટ ઓફ લેન્ડિંગ રેટ પણ કહે છે. જેમાં બેંક પોતાના ફંડની રોકાણના હિસાબે લોનના દર નક્કી કરે છે. આ બેંચર્માક દર હોય છે. તે વધવાથી તમારી બેંક પાસેથી લીધેલી હોમ અને કાર લોન મોંઘી થઈ જાય છે. આ વ્યવસ્થા 1 એપ્રિલ 2016થી બેંકિંગ સિસ્ટમમાં લાગુ થઈ છે. ઉલ્લેખનીય છે કે, SBIના 40 કરોડથી વધુ ગ્રાહકો છે.

3/4

SBIએ તમામ ટેનર્સ માટે MCLRને 0.05 ટકા વધાર્યો છે. આ વધારાની સાથે હવે SBIની 1 વર્ષની MCLR દર 8.5થી વધીને 8.55 ટકા થઈ ગઈ છે. બીજી તરફ, 2 વર્ષના MCLRના દર 8.6 ટકાથી વધી 8.65 ટકા થઈ ગયો છે. જ્યારે 3 વર્ષના MCLR હવે 0.05 ટકા વધી 8.75 ટકા થઈ ગયો છે.

4/4

દેશની સૌથી મોટી ભારતીય સ્ટેટ બેંક SBIએ ગ્રાહકોને મોટો ઝટકો આપ્યો છે, જેમની હોમ કે પછી કાર લોન ચાલી રહી છે. આ ઉપરાંત તેવા ગ્રાહકોની પણ મુશ્કેલી વધવાની છે જે લોન લેવાનું વિચારી રહ્યા છે. બેંકે પોતાના વ્યાજ દરોમાં 0.05 ટકાનો વધારો કરી દીધો છે. હવે SBIની લોન લેવી મોંઘી થઈ જશે, આ સાથે જ જેમણે પહેલાથી જ લોન લીધી છે તેમના EMI વધી જશે. આ દરો 10 ડિસેમ્બર 2018થી લાગુ થઈ જશે.

Published at : 10 Dec 2018 05:05 PM (IST)

Tags :

SBI Bank Sbi

વધુ જુઓ