છોટાઉદેપુરના કવાંટ તાલુકામાં સગીરાને નિર્વસ્ત્ર કરી તાંત્રિક વિધિ કરાઈ, 15 દિવસ બાદ નોંધાઇ ફરિયાદ

છોટા ઉદેપુરના ક્વાંટ તાલુકામાં સગીરાને નિર્વસ્ત્ર કરી તાંત્રિક વિધિ કરવાના મામલે પોલીસ ફરિયાદ દાખલ કરવામાં આવી છે

ફાઇલ તસવીર

છોટા ઉદેપુરના ક્વાંટ તાલુકામાં સગીરાને નિર્વસ્ત્ર કરી તાંત્રિક વિધિ કરવાના મામલે પોલીસ ફરિયાદ દાખલ કરવામાં આવી છે. મળતી જાણકારી અનુસાર, ગામની જ મહિલા અને તેના ભાઈ તેમજ જમાઈ સહિત 10 સામે ફરિયાદ દાખલ કરવામાં આવી છે. ફરિયાદમાં જણાવ્યા અનુસાર, સંગીતા ભીલ નામની આરોપી  મહિલા  તેના ભાઈ વિકેશ અને જમાઈ દિલીપ પીડિતાને બાઈક ઉપર લઈ ગયા હતા. રસ્તામાં બીજા બે બાઈક પર ત્રણ શખ્સો જોડાયા અને નસવાડીના તણખલા ગામે પહોંચ્યા હતા. બાદમાં તણખલા ગામથી ઇકો ગાડીમાં સવાર થઇને અજાણી જગ્યાએ ગયા હતા. બીજા દિવસે બે મહારાજ આવી કિશોરીને નિર્વસ્ત્ર કરી સતત મંત્ર બોલાવ્યા હતા. આખરે 15 દિવસ બાદ ફરિયાદ દાખલ કરવામાં આવી છે.

નિર્વસ્ત્ર કિશોરીને કુંડાળામાં ઊભી રાખી બે પગમાં નારિયેળ બાંધ્યા, માથા ઉપર કંકુ લગાવી મંત્રો બોલાવ્યા હતા. મંત્ર બોલતાં બોલતાં કિશોરીને હિચકી આવતા અટકાઈ એટલે મહારાજે કોઈ પ્રવાહી પીવડાવ્યું જેથી કિશોરી બેભાન થઈ ગઈ હતી. હોશમાં આવ્યા બાદ ત્યાં બે મહારાજ સાથે સંગીતા, વિકેશ, દિલીપ અને બે બાઈક વાળા ત્રણ વ્યક્તિઓ હાજર હતા. મહારાજે જણાવ્યું કે છોકરી મંત્ર બોલવાનું ચૂકી ગઈ છે એટલે 15 દિવસ પછી લઈને આવજો.

Kerala High Court: કોર્ટે સગીરાના ગર્ભપાતને આપી મંજૂરી, કહ્યું- જન્મેલું બાળક તેના સગા ભાઈનું હશે તેથી.....

Kerala Minor Girl Abortion: કેરળ હાઈકોર્ટે 15 વર્ષની સગીર છોકરીના ગર્ભપાતને મંજૂરી આપી છે. જેને તેના ભાઈએ ગર્ભવતી બનાવી હતી. બાર અને બેંચના જણાવ્યા અનુસાર, આ અરજી સગીર બાળકીના પિતા દ્વારા દાખલ કરવામાં આવી હતી. ગર્ભપાતને મંજૂરી આપતી વખતે કોર્ટે કહ્યું હતું કે જો ગર્ભપાતને મંજૂરી નહીં આપવામાં આવે તો વિવિધ સામાજિક અને તબીબી સમસ્યાઓ ઊભી થઈ શકે છે.

જસ્ટિસ ઝિયાદ રહેમાન એએ કહ્યું કે છોકરીની તપાસ માટે રચવામાં આવેલા મેડિકલ બોર્ડના રિપોર્ટ અનુસાર, 32 અઠવાડિયાથી વધુ સમય સુધી ગર્ભાવસ્થા ચાલુ રાખવાથી 15 વર્ષની પીડિતાના સામાજિક અને માનસિક સ્વાસ્થ્યને ગંભીર નુકસાન થઈ શકે છે. તેણે કહ્યું કે તેના દ્વારા જન્મેલ બાળક તેના સગા ભાઈનું હશે તે હકીકતને ધ્યાનમાં રાખીને, તેના માટે વિવિધ સામાજિક અને તબીબી મુશ્કેલીઓ ઊભી થવાની સંભાવના છે. આવા સંજોગોમાં, અરજદાર દ્વારા ગર્ભાવસ્થા સમાપ્ત કરવા માટે માંગવામાં આવેલી પરવાનગી અનિવાર્ય છે.

"જીવંત બાળકને જન્મ આપવાની તક"

કોર્ટે કહ્યું કે મેડિકલ રિપોર્ટ પર વિચાર કર્યા બાદ જાણવા મળ્યું છે કે બાળકી શારીરિક અને માનસિક રીતે ગર્ભપાત માટે યોગ્ય છે. સગર્ભાવસ્થા ચાલુ રાખવાથી તેના સામાજિક અને માનસિક સ્વાસ્થ્યને ગંભીર નુકસાન થવાની શક્યતા છે. કોર્ટે કહ્યું કે મેડિકલ બોર્ડના મતે બાળકી જીવિત બાળકને જન્મ આપે તેવી શક્યતા છે. જસ્ટિસ રહેમાને કહ્યું કે આવી સ્થિતિમાં હું અરજદારની પુત્રીને મેડિકલ એબોર્શન કરાવવાની મંજૂરી આપું છું