પાલનપુરઃ કંડક્ટરે બસમાં બેઠેલી યુવતીની કરી છેડતી, હોબાળો થતાં શું થયું? જાણો વિગત

વડોદરાથી થરાદ જતી એસ.ટી. બસમાં આ યુવતી બેઠી હતી. જે રણુજા દર્શન કરી પરત ફરી રહ્યા હતા. દરમિયાન બસમાં યુવતીની કંડક્ટર ગણેશ પરમારે છેડતી કરી હતી. આ છેડતીની ઘટના મુદ્દે મુસાફરોએ ડીસા ડેપો મેનેજરને રજુઆત કરી હતી. આ સમયે હંગામો થતાં મારના ડરથી કંડક્ટર ટેબલ નીચે સંતાઇ ગયો હતો .

બનાસકાંઠાઃ વડોદરાથી થરાદ જતી બસના કંડક્ટર દ્વારા યુવતીની છેડતી કરી હોવાની ઘટના સામે આવી છે. આ અંગે કંડક્ટર અને એ.ટી.આઇ. સામે પોલીસ ફરિયાદ થઈ છે. આ મુદ્દે મુસાફરોએ ડીસા ડેપોમાં હોબાળો મચાવી દીધો હતો.

લોકોનું ટોળું બસ ડેપોમાં એકઠું થઈ જતાં પોલીસ બોલાવવાની ફરજ પડી હતી. પોલીસે આવીને મામલો થાળે પાડ્યો હતો. એટલું જ નહીં, ટેબલ નીચે ઘૂસી ગયેલા કંડક્ટરને પોલીસે બહાર કાઢ્યો હતો. આ ઘટના અંગે કંડક્ટર ગણેશ પરમાર અને એટીઆઈ પૂંજાભાઈ સામે ફરિયાદ નોંધીને પોલીસે વધુ તપાસ હાથ ધરી છે.