IGNCA New Courses: રામાયણ, મહાભારત અને વેદ ભણાવવા એડમિશન આપી રહી છે આ યુનિવર્સિટી, જાણો શું છે કોર્સનું નામ

IGNCA Started New Courses: આ ત્રણ કોર્સના નામ છે હિંદુ સ્ટડીઝ, ઈન્ડિયન નોલેજ ટ્રેડિશન, ઈન્ડિયન લિટરેચર એન્ડ મ્યુઝિયમ, જે 1લી સપ્ટેમ્બર 2022થી શરૂ થયા છે અને મે 2023માં સમાપ્ત થશે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

IGNCA Started New Courses : જો તમે રામાયણ, મહાભારત અને વેદનો અભ્યાસ કરવામાં રસ ધરાવો છો તો આ સમાચાર તમારા માટે સારા છે. ઈન્દિરા ગાંધી નેશનલ સેન્ટર ફોર ધ આર્ટ્સ (IGNCA) એ આ વર્ષે ત્રણ નવા કોર્સ શરૂ કર્યા છે, જેના દ્વારા રામાયણ, મહાભારત, વેદ અને પુરાણ શીખવવામાં આવશે. આ અભ્યાસક્રમો દ્વારા 11 અભ્યાસક્રમો ચલાવવામાં આવી રહ્યા છે. આ ત્રણ કોર્સના નામ છે હિંદુ સ્ટડીઝ, ઈન્ડિયન નોલેજ ટ્રેડિશન, ઈન્ડિયન લિટરેચર એન્ડ મ્યુઝિયમ, જે 1લી સપ્ટેમ્બર 2022થી શરૂ થયા છે અને મે 2023માં સમાપ્ત થશે.

હવે આ કોર્સ ઓફલાઈન શરૂ કરવામાં આવ્યા છે. ઈન્ડિયન એક્સપ્રેસમાં છપાયેલા સમાચાર અનુસાર ઈન્દિરા ગાંધી નેશનલ સેન્ટર ફોર ધ આર્ટસ (IGNCA)ના એક અધિકારીએ જણાવ્યું કે હવે આ કોર્સ ઓફલાઈન શરૂ કરવામાં આવ્યા છે, પરંતુ આવતા વર્ષથી આ કોર્સ પણ ઓનલાઈન શરૂ કરવામાં આવશે. જેથી દિલ્હીની બહાર રહેતા વિદ્યાર્થી જે આ કોર્સ કરવા માંગે છે તે પણ સરળતાથી અભ્યાસ કરી શકે. આ સાથે દેશ-વિદેશના લોકો આ કોર્સ દ્વારા રામાયણ, મહાભારત, વેદ અને પુરાણ વિશે વાંચી શકશે. આ સાથે તેમણે કહ્યું કે વિદેશમાં ભારતીય યુવાનો ઉપરાંત શિક્ષણવિદો, શિક્ષકો, કર્મચારીઓ અને સાંસ્કૃતિક ચિંતકોમાં પણ આ અભ્યાસક્રમો વિશે ઘણી ઉત્સુકતા છે.

હાલમાં ભારતની કોઈ યુનિવર્સિટી આવો અભ્યાસક્રમ ભણાવતી નથી.

કોર્સ વિશે માહિતી આપતા ઈન્દિરા ગાંધી નેશનલ સેન્ટર ફોર આર્ટ્સના અધિકારીએ જણાવ્યું હતું કે, આ કોર્સ હિંદુ પરંપરા ઉપરાંત બૌદ્ધ, જૈન અને શીખ ધર્મની ઝલક પણ રજૂ કરશે. આ અભ્યાસક્રમો વિદ્યાર્થીઓને ભગવાન કૃષ્ણ, બુદ્ધ, મહાવીર, પતંજલિ, કબીર, અરબિંદો અને ગુરુ નાનકના ઉપદેશોથી પરિચય કરાવે છે. તેમણે કહ્યું કે હાલમાં ભારતની કોઈ યુનિવર્સિટી આવો અભ્યાસક્રમ ભણાવતી નથી.

આ પણ વાંચોઃ