(Source: ECI/ABP News/ABP Majha)
RRB NTPC Recruitment 2024: 12 પાસથી લઇને ગ્રેજ્યુએટ માટે રેલવેમાં નોકરી, 10884 પદો પર કરાશે પસંદગી
RRB NTPC Recruitment 2024: ભારતીય રેલવે તમારા માટે એક મોટી તક લઈને આવ્યું છે. RRB NTPC એ 10 હજારથી વધુ જગ્યાઓ માટે ભરતી બહાર પાડી છે.
RRB NTPC Recruitment 2024: ભારતીય રેલવેમાં નોકરી મેળવવાનું સૌ કોઇનું સપનું હોય છે. જો તમે પણ અહીં કામ કરવા માંગો છો, તો ભારતીય રેલવે તમારા માટે એક મોટી તક લઈને આવ્યું છે. RRB NTPC એ 10 હજારથી વધુ જગ્યાઓ માટે ભરતી બહાર પાડી છે. જે ઉમેદવારો જરૂરી લાયકાત ધરાવતા હોય અને આ પોસ્ટ માટે અરજી કરવાની ઈચ્છા ધરાવતા હોય તેઓ રજિસ્ટ્રેશન લિંક ઓપન થયાની સાથે જ અરજી કરી શકે છે. અમે અહીં મહત્વપૂર્ણ વિગતો શેર કરી રહ્યા છીએ.
આટલી જગ્યાઓ ભરવામાં આવશે
RRB NTPC ની આ ભરતી અભિયાન મારફતે 10884 જગ્યાઓ પર પાત્ર ઉમેદવારોની નિમણૂક કરવામાં આવશે. આ પોસ્ટ લેવલ 2, 3, 5 અને 6 ની છે. આ અંતર્ગત જુનિયર ક્લાર્ક, એકાઉન્ટ્સ ક્લાર્ક, ટાઈમ કીપર, સિનિયર ક્લાર્ક, જુનિયર એકાઉન્ટ આસિસ્ટન્ટ, ગુડ્સ ગાર્ડ, કોમર્શિયલ એપ્રેન્ટિસ, સ્ટેશન માસ્ટર વગેરે જેવી ઘણી જગ્યાઓ પર ભરતી કરવામાં આવશે.
આ પોસ્ટ્સ નોન-ટેક્નિકલ કેટેગરીમાં આવે છે અને તેના માટે વિગતવાર નોટિફિકેશન ટૂંક સમયમાં બહાર પાડવામાં આવશે. અપડેટ્સ માટે વેબસાઇટ પર જોવા રહેવું સારું રહેશે. વિગતવાર સૂચનામાં ખાલી જગ્યાઓની સંખ્યામાં વધારો થવાની સંભાવના પણ છે, પરંતુ અત્યારે આ અંગે ચોક્કસ કહી શકાય તેમ નથી.
કોણ અરજી કરી શકે છે
આ પરીક્ષા બે કેટેગરીમાં લેવામાં આવે છે. અંડરગ્રેજ્યુએટ લેવલની પોસ્ટ અને ગ્રેજ્યુએટ પોસ્ટ માટે. માન્ય બોર્ડમાંથી 12મું પાસ પ્રથમ કેટેગરીમાં અરજી કરી શકે છે અને ગ્રેજ્યુએશન ઉમેદવાર બીજી કેટેગરી હેઠળ અરજી કરી શકે છે. યુજી પોસ્ટ માટે વય મર્યાદા 18 થી 30 વર્ષ અને સ્નાતક પાસ માટે વય મર્યાદા 18 થી 33 વર્ષ નક્કી કરવામાં આવી છે.
ખાલી જગ્યા વિગતો
કુલ પોસ્ટ્સ - 10844
અંડરગ્રેજ્યુએટ પોસ્ટ્સ – 3404
ગ્રેજ્યુએટ પોસ્ટ્સ – 7479
જુનિયર ક્લાર્ક કમ ટાઈપિસ્ટ – 990 જગ્યાઓ
એકાઉન્ટ્સ ક્લાર્ક કમ ટાઈપિસ્ટ – 361 જગ્યાઓ
ટ્રેન્સ ક્લાર્ક – 68 જગ્યાઓ
કોમર્શિયલ કમ ટિકિટ ક્લાર્ક – 1985 પોસ્ટ્સ
ગુડ્સ ટ્રેન મેનેજર – 2684 જગ્યાઓ
ચીફ કોમર્શિયલ કમ ટિકિટ સુપરવાઈઝર – 1737 જગ્યાઓ
સિનિયર ક્લાર્ક કમ ટાઈપિસ્ટ – 725 જગ્યાઓ
જુનિયર એકાઉન્ટ આસિસ્ટન્ટ કમ ટાઈપિસ્ટ – 1371 જગ્યાઓ
સ્ટેશન માસ્ટર – 963 જગ્યાઓ.
પસંદગી કેવી રીતે થશે?
પોસ્ટ અનુસાર પરીક્ષાના ઘણા તબક્કા પસાર કર્યા પછી પસંદગી કરવામાં આવશે. ઉદાહરણ તરીકે, સ્ટેશન માસ્ટર અને ટ્રાફિક સહાયકની પોસ્ટ માટે વ્યક્તિએ CBT 1, 2, CBAT, દસ્તાવેજ ચકાસણી અને તબીબી પરીક્ષા પાસ કરવી પડશે. બાકીની પોસ્ટ માટે પણ તમારે CBT 1,2, ટાઇપિંગ સ્કિલ ટેસ્ટ, DV અને મેડિકલ રાઉન્ડ આવશ્યકતા મુજબ પાસ કરવો પડશે. પરીક્ષા માટેના એડમિટ કાર્ડ થોડા સમય પહેલા જ બહાર પાડવામાં આવશે.
અરજીની ફી કેટલી છે
જનરલ અને ઓબીસી કેટેગરીના ઉમેદવારોએ 500 રૂપિયા ફી ભરવાની રહેશે. SC, ST, ભૂતપૂર્વ સૈનિક, PH, મહિલા ઉમેદવારો, EWS કેટેગરીએ 250 રૂપિયા ફી ચૂકવવાની રહેશે. CBT 1 માં હાજર રહ્યા બાદ કેટલા પૈસા પરત કરવામાં આવશે. જનરલને 400 રૂપિયા મળશે અને બાકીના લોકોને તમામ રૂપિયા પાછા મળશે.
તમને કેટલો પગાર મળશે?
પગાર પણ પોસ્ટ પ્રમાણે છે. ઉદાહરણ તરીકે અંડરગ્રેજ્યુએટ પોસ્ટ્સ માટેનો પગાર 19,900 થી 21,700 રૂપિયા સુધીનો હશે. જ્યારે ગ્રેજ્યુએટ પાસ પોસ્ટ માટે પગાર 25,500 થી 35,400 રૂપિયા સુધીનો હશે. આ સાથે અન્ય ઘણી સુવિધાઓ પણ ઉપલબ્ધ થશે.
મહત્વપૂર્ણ વેબસાઇટ્સ નોંધી લો
આ સિવાય મહત્વની વેબસાઈટ પણ નોંધી લો, જ્યાંથી માત્ર અરજી જ નહીં કરી શકાય પરંતુ વિગતવાર નોટિસ પણ ચેક કરી શકાય છે. વેબસાઇટનું એડ્રેસ છે – indianrailways.gov.in. રજિસ્ટ્રેશન તારીખ હજુ સુધી જાહેર કરવામાં આવી નથી.
Education Loan Information:
Calculate Education Loan EMI
ટ્રેન્ડિંગ સમાચાર
ટોપ સ્ટોરી
