આ સોફ્ટવેર કંપની આપશે 12 હજાર નોકરી, જાણો ક્યાં કરવાની છે ભરતી

HCL Technologies: કંપની નવી ટેલેન્ટ દ્વારા ગ્રોથને આગળ વધારવા પ્રતિબદ્ધ છે.

ફાઈલ તસવીર

HCL Tech Jobs News:  ભારતીય સોફ્ટવેર સેવા નિકાસકાર કંપની HCL ટેક્નોલોજીએ જણાવ્યું કે, તે આગામી 5 વર્ષમાં 12,000 નવી નોકરીઓ પ્રદાન કરવા જઈ રહી છે. આ નોકરીઓ અમેરિકા એટલે કે યુનાઇટેડ સ્ટેટ્સમાં આપવામાં આવશે અને તેનો મુખ્ય ઉદ્દેશ્ય કંપનીનો બિઝનેસ વધારવાનો તથા સોફ્ટવેર માર્કેટમાં ક્લાયન્ટ સપોર્ટ વધારવાનો છે. કૉલેજ ગ્રેજ્યુએટ્સ માટે સારા સમાચાર એ છે કે આવનારા 3 વર્ષમાં, કંપનીએ આમાંથી 2000 નોકરીઓ કૉલેજ ગ્રેજ્યુએટ્સને આપવાની યોજના બનાવી છે.

કંપનીની નવી જાહેરાત હેઠળ અહીં વધુ નોકરીઓ આપવા પર ફોક્સ

HCLએ એક નિવેદનમાં જણાવ્યું, કંપની US ભરતી અભિયાન અંતર્ગત સાત રાજ્યોમાં ભરતી કરશે. જેમાં નોર્થ કેરોલિના, ટેક્સાસ અને કનેક્ટિકટનો સમાવેશ થશે. ભરતીના મુખ્યત્વે IT કન્સલ્ટિંગ, ક્લાઉડ સેવાઓ, ડેટા એનાલિટિક્સ અને ડિજિટલ એન્જિનિયરિંગના ક્ષેત્રોમાં થશે.

HCLએ તાજેતરમાં જ યુ.એસ.માં લોન્ચ કર્યો પ્રોગ્રામ

HCL Tech એ તાજેતરમાં જ તેનો HCL એપ્રેન્ટિસશીપ પ્રોગ્રામ શરૂ કર્યો છે. જે અંતર્ગત યુએસમાં હાઈ-સ્કૂલ, ગ્રેજ્યુએટ્સને ઉચ્ચ શિક્ષણ માટે  ફૂલ ફંડ આપવામાં આવશે અને તેમને ફૂલ ટાઈમ જોબની તક મળશે.

HCL ટેક્નોલોજીસના વૈશ્વિક વિસ્તરણને જાણો

એચસીએલ ટેક વિશ્વભરમાં 1,87,000 કરતાં વધુ કર્મચારીઓ ધરાવે છે અને વૈશ્વિક બજારોમાં પોતાની છાપ છોડી રહી છે. કંપની ભારતની બહાર પોતાનો બિઝનેસ વિસ્તારવા પર સતત ધ્યાન આપી રહી છે. જ્યાં સુધી અમેરિકાની વાત છે ત્યાં સુધી તેની હાજરી 32 વર્ષ જૂની છે અને 22,000 લોકો અમેરિકામાં 15 થી વધુ ઓફિસો અને વૈશ્વિક ડિલિવરી કેન્દ્રો દ્વારા તેમની સેવાઓ આપી રહ્યા છે. તેમાં મોટી સંખ્યામાં ભારતીયો અને ભારતીય મૂળના લોકો છે.

આ પણ વાંચોઃ સંરક્ષણ મંત્રાલયમાં આ પદો પર નીકળી ભરતી, 10મું પાસથી લઈ પોસ્ટ ગ્રેજ્યુએટ કરી શકે છે અરજી