Supreme Court: NEET PG પર સુપ્રીમ કોર્ટનો મોટો ચુકાદો, એક જ શિફ્ટમાં યોજાશે પરીક્ષા

NEET PG 2025ની તૈયારી કરી રહેલા મેડિકલ ઉમેદવારો માટે સુપ્રીમ કોર્ટનો મોટો નિર્ણય આવ્યો છે. છેલ્લી વખત પરીક્ષા ખાસ સંજોગોમાં બે શિફ્ટમાં લેવામાં આવી હતી.

પ્રતિકાત્મક તસવીર

Source : PTI

Supreme Court On NEET PG: NEET PG 2025ની તૈયારી કરી રહેલા મેડિકલ ઉમેદવારો માટે સુપ્રીમ કોર્ટનો મોટો નિર્ણય આવ્યો છે. કોર્ટે પરીક્ષા આયોજકોને NEET PG 2025ની પરીક્ષા ફક્ત એક જ શિફ્ટમાં લેવાનો નિર્દેશ આપ્યો છે, જેથી પારદર્શિતા જળવાઈ રહે અને બધા ઉમેદવારોને સમાન તક મળે.

Supreme Court directs National Board of Examination (NBE) to hold NEET-PG 2025 in one shifts. Supreme Court rejected the NBE's decision to hold the exam in two shifts, saying it creates arbitrariness.

Supreme Court says it will be open for NBE to apply for extension of time if… pic.twitter.com/oODw2phNeN

— ANI (@ANI) May 30, 2025

સુપ્રીમ કોર્ટે પોતાના આદેશમાં કહ્યું હતું કે, "બે શિફ્ટમાં પરીક્ષા લેવાથી અસમાનતા સર્જાય છે અને તે બધા ઉમેદવારોને સમાન તક આપી શકતી નથી. બે અલગ અલગ શિફ્ટમાં પૂછાયેલા પ્રશ્નપત્રો ક્યારેય સમાન મુશ્કેલી સ્તરના ન હોઈ શકે. છેલ્લી વખત પરીક્ષા ખાસ સંજોગોમાં બે શિફ્ટમાં લેવામાં આવી હતી પરંતુ આ વખતે પરીક્ષા સંચાલન સંસ્થાએ એક જ શિફ્ટમાં પરીક્ષા યોજવાની વ્યવસ્થા કરવી જોઈતી હતી."

એનબીઇની એ દલીલને ફગાવી દીધી હતી જેમાં તેણે કહ્યું હતું કે દેશભરમાં એક જ શિફ્ટમાં પરીક્ષા યોજવા માટે પૂરતા કેન્દ્રો ઉપલબ્ધ નથી. સુપ્રીમ કોર્ટે ટિપ્પણી કરી હતી કે, "અમે દલીલ સ્વીકારવા તૈયાર નથી કે આખા દેશમાં અને દેશભરમાં ઉપલબ્ધ ટેકનોલોજીની પ્રગતિને જતા પરીક્ષા આયોજીત કરનારી સંસ્થા એક જ શિફ્ટમાં પરીક્ષા યોજવા માટે પૂરતા પરીક્ષા કેન્દ્રો શોધી શકી નથી.

ન્યાયાધીશ વિક્રમ નાથ, જસ્ટિસ સંજય કુમાર અને જસ્ટિસ એન.વી. અંજારિયાની બેન્ચે નેશનલ બોર્ડ ઓફ એક્ઝામિનેશન (NBE) દ્વારા NEET PG 2025 ની પરીક્ષા બે શિફ્ટમાં લેવાના નિર્ણયને પડકારતી અરજીઓ પર સુનાવણી કરતી વખતે આ આદેશ આપ્યો હતો. બેન્ચે પરીક્ષા સત્તાવાળાઓને સ્પષ્ટ નિર્દેશો આપ્યા છે કે પરીક્ષાની નિષ્પક્ષતા અને પારદર્શિતા સુનિશ્ચિત કરવા માટે તમામ જરૂરી વ્યવસ્થા કરવામાં આવે. કોર્ટે એમ પણ કહ્યું કે વિદ્યાર્થીઓની મહેનત અને ભવિષ્ય સાથે કોઈપણ પ્રકારની અસમાનતા કે અન્યાય ન થવો જોઈએ. આ નિર્ણય અંગે વિદ્યાર્થીઓ અને વાલીઓમાં સંતોષની લાગણી છે. ઘણા વિદ્યાર્થીઓ કહે છે કે હવે તેઓને ડર રહેશે નહી કે બીજી શિફ્ટમાં આવતા પ્રશ્નો સરળ હશે કે મુશ્કેલ. આનાથી દરેકને સમાન તક મળશે.

વિદ્યાર્થીઓએ સપ્ટેમ્બર 2024માં સુપ્રીમ કોર્ટમાં અરજી દાખલ કરી હતી જેમાં NEET PG 2024ની પરીક્ષામાં પારદર્શિતાની માંગ કરવામાં આવી હતી. વિદ્યાર્થીઓની મુખ્ય માંગણી એ હતી કે પરીક્ષા એક જ શિફ્ટમાં લેવામાં આવે, કારણ કે બે શિફ્ટમાં પરીક્ષા યોજીને સામાન્યીકરણ પ્રક્રિયા અપનાવવામાં આવે છે, જે તેમને અસમાન અને અન્યાયી લાગે છે. આ ઉપરાંત તેમણે પરીક્ષાનું સંચાલન કરતી સંસ્થા NBEMS ને પ્રશ્નપત્ર અને આન્સર કી જાહેર કરવાની પણ માંગ કરી હતી, જેથી તેઓ તેમના પરિણામનું મૂલ્યાંકન કરી શકે અને તૈયારીમાં સુધારો કરી શકે. આ અરજી પર સુનાવણી કરતા સુપ્રીમ કોર્ટે 22 મેના રોજ તમામ ખાનગી અને ડીમ્ડ મેડિકલ યુનિવર્સિટીઓને તેમની ફી વિગતો જાહેર કરવાનો નિર્દેશ આપ્યો હતો અને પરીક્ષામાં પારદર્શિતા સુનિશ્ચિત કરવા જણાવ્યું હતું.

NEET PG પરીક્ષા 15 જૂને પ્રસ્તાવિત

પરીક્ષાના સમયપત્રક મુજબ, NEET PG 2025 પરીક્ષા 15 જૂને CBT મોડમાં લેવામાં આવશે. અગાઉ બે શિફ્ટમાં પરીક્ષા લેવા માટેનું સમયપત્રક બહાર પાડવામાં આવ્યું હતું. પરંતુ હવે સુપ્રીમ કોર્ટના આદેશ પછી સુધારેલ પરીક્ષાનું સમયપત્રક બહાર પાડવામાં આવશે. સુપ્રીમ કોર્ટે શુક્રવારે રાષ્ટ્રીય પરીક્ષા બોર્ડને નિર્દેશ આપ્યો હતો કે NEET PG 2025 પરીક્ષા બે શિફ્ટમાં નહીં પરંતુ એક શિફ્ટમાં લેવામાં આવે. કોર્ટે કહ્યું કે 15 જૂને યોજાનારી પરીક્ષા માટે જરૂરી વ્યવસ્થા કરવા માટે હજુ પણ સમય બાકી છે.