Elections 2024: વોટિંગ દરમિયાન વોટર કાર્ડ ઘરે ભૂલી જાવ તો શું થાય? આ છે નિયમ
Voter Awareness: 18 વર્ષથી મોટી ઉંમરના દરેક ભારતીય નાગરિકને મત આપવાનો અધિકાર છે.
Election Commission Rules: દેશના તમામ રાજકીય પક્ષોએ લોકસભાની ચૂંટણીની તૈયારીઓ શરૂ કરી દીધી છે અને કેટલાક પક્ષોએ ઉમેદવારો પણ ઉતારવાનું શરૂ કરી દીધું છે. ચૂંટણી પંચ આજે લોકસભા ચૂંટણીની તારીખો જાહેર કરશે. તારીખો જાહેર થવાની સાથે જ આચારસંહિતા લાગુ થશે અને ચૂંટણી પ્રચાર પણ તેજ થશે. ચૂંટણી પહેલા ચૂંટણી પંચ વિવિધ તૈયારીઓમાં વ્યસ્ત છે, જેમાં ખાસ કરીને મતદારોને જાગૃત કરવામાં આવી રહ્યા છે. જેમના મતદાર કાર્ડ બન્યા નથી તેમના માટે નવા કાર્ડ બનાવવામાં આવી રહ્યા છે. આજે અમે તમને વોટિંગના એક નિયમ વિશે માહિતી આપી રહ્યા છીએ. જેમાં તમે વોટર કાર્ડ વગર પણ વોટ આપી શકો છો.
ચૂંટણી પંચની જવાબદારી
18 વર્ષથી મોટી ઉંમરના દરેક ભારતીય નાગરિકને મત આપવાનો અધિકાર છે. લોકસભાની ચૂંટણી માટે લાખો પોલિંગ બૂથ બનાવવામાં આવે છે, ચૂંટણી અધિકારીઓ દેશના ખૂણે-ખૂણે પહોંચીને મત એકત્ર કરે છે. ચૂંટણી નિષ્પક્ષ રીતે થાય તે સુનિશ્ચિત કરવાની જવાબદારી આ અધિકારીઓની છે. આ માટે મતદાન મથક પર પણ કડક સુરક્ષા વ્યવસ્થા ગોઠવવામાં આવી છે.
મતદાર કાર્ડ વિના કેવી રીતે મતદાન કરવું
એવા ઘણા જિલ્લાઓ છે જ્યાં મતદાન મથકો દૂર છે. આવી સ્થિતિમાં લોકોને મત આપવા માટે ઘણા કિલોમીટર ચાલીને જવું પડે છે, ચૂંટણી પંચ પણ આમાં લોકોની મદદ કરે છે. ખાસ કરીને વૃદ્ધો માટે તમામ પ્રકારની સુવિધાઓની વ્યવસ્થા કરવામાં આવી છે. હવે જો કોઈ આટલું અંતર કાપીને મતદાન મથકે પહોંચે અને મતદાર કાર્ડ ઘરે ભૂલી જાય તો શું થશે? જો આવું થાય, તો પણ તમે તમારો મત આપી શકો છો, આ માટે તમારું નામ મતદાર યાદીમાં હોવું આવશ્યક છે. તમને મતદાન મથકની બહાર એક સ્લિપ મળશે, જેના દ્વારા તમે તમારો મત આપી શકો છો. જો કે, આ સમય દરમિયાન ચૂંટણી અધિકારીઓ તમારી પાસે અન્ય કોઈ ઓળખ કાર્ડ માંગી શકે છે.
તમારું નામ આ રીતે ઑફલાઇન તપાસો
તમે મતદાર યાદીમાં તમારું નામ ઓફલાઈન પણ ચકાસી શકો છો. તેના માટે તમારે 921172 8082 અથવા 1950 પર ટેક્સ્ટ મેસેજ મોકલવાનો રહેશે. જેમાં તમારે EPIC લખીને તમારો મતદાર આઈડી નંબર દાખલ કરવાનો રહેશે. આ પછી, તમારી બધી વિગતો તમારા રજિસ્ટર્ડ મોબાઇલ નંબર પર આવશે. જો તમને મેસેજ ના મળે તો સમજવું કે તમારું નામ મતદાર યાદીમાં નથી.
ટ્રેન્ડિંગ સમાચાર
ટોપ સ્ટોરી
and tablets
