Lok Sabha Election 2024: લોકસભા ચૂંટણીના ત્રીજા તબક્કાનું આજે મતદાન, PM મોદી અને અમિત શાહ કરશે મતદાન

વડાપ્રધાન મોદી સવારે સાડા સાત વાગ્યે અમદાવાદના રાણીપમા મતદાન કરશે.

ફોટોઃ ટ્વિટર

લોકસભા ચૂંટણીના ત્રીજા તબક્કાનું મતદાન મંગળવાર, 7 મે ના રોજ થવાનું છે. દેશના 12 રાજ્યો અને કેન્દ્રશાસિત પ્રદેશોની 93 લોકસભા સીટો પર સવારે 7 વાગ્યાથી મતદાન થશે.

વડાપ્રધાન મોદી અને અમિત શાહ કરશે મતદાન

#WATCH | Gujarat: Preparations underway for the third phase of Lok Sabha polls; visuals from Nishan Higher Secondary School in Ahmedabad

25 Parliamentary constituencies of the state will go to polls today. BJP candidate from Surat, Mukesh Dalal was elected unopposed from his… pic.twitter.com/WMC7b1oVyL

— ANI (@ANI) May 7, 2024

વડાપ્રધાન મોદી સવારે સાડા સાત વાગ્યે અમદાવાદના રાણીપમા મતદાન કરશે. જ્યારે કેન્દ્રિય ગૃહમંત્રી અમિત શાહ નારણપુરામાં સવારે સવા નવ વાગ્યે મતદાન કરશે. ઉપરાંત મુખ્યમંત્રી ભૂપેન્દ્ર પટેલ પણ શીલજમાં મતદાન કરશે. જ્યારે સીઆર પાટીલ સુરતના ભટારમાં મતદાન કરશે. નોંધનીય છે કે ગુજરાતની પાંચ વિધાનસભા બેઠકની પેટાચૂંટણી માટે પણ મતદાન યોજાશે.

ઉપરાંત પરશોત્તમ રૂપાલા અમરેલીના ઈશ્વરીયામાં મતદાન કરશે. ડૉ.મનસુખ માંડવીયા પાલિતાણાના અણોલમાં મતદાન કરશે. પૂર્વ CM વિજય રૂપાણી રાજકોટના રૈયા રોડ મતદાન કરશે. રાજ્યના કુલ 266 ઉમેદવારોનું ભાવી EVMમાં કેદ થશે. 

સુપ્રિયા સુલે

આ વખતે બારામતી લોકસભા બેઠક પરનો મુકાબલો ઘણો રોમાંચક બન્યો છે. શરદ પવાર જૂથની સાંસદ સુપ્રિયા સુલે ફરી આ બેઠક પરથી ચૂંટણી લડી રહી છે. અજિત પવાર જૂથે તેમની સામે સુનેત્રા પવારને મેદાનમાં ઉતાર્યા છે. ભાભી અને ભાભી આમને-સામને હોવાથી આ બેઠક પર જોરદાર ટક્કર થશે.

દિગ્વિજય સિંહ

મધ્યપ્રદેશની રાજગઢ લોકસભા સીટ હાલમાં હોટ સીટ બની રહી છે. કોંગ્રેસે આ સીટ પરથી પૂર્વ સીએમ અને દિગ્ગજ નેતા દિગ્વિજય સિંહને મેદાનમાં ઉતાર્યા છે. જ્યારે ભાજપે અહીંથી રોડમલ નગરને ટિકિટ આપી છે, તેઓ અહીંથી વર્તમાન સાંસદ છે.

જ્યોતિરાદિત્ય સિંધિયા

પાર્ટીએ ગુના લોકસભા સીટ પરથી જ્યોતિરાદિત્ય સિંધિયાને મેદાનમાં ઉતાર્યા છે. આ સીટને સિંધિયા પરિવારનો ગઢ માનવામાં આવે છે. જ્યારે અહીંથી કોંગ્રેસે રાવ યાદવેન્દ્ર સિંહ યાદવ પર દાવ લગાવ્યો છે.

શિવરાજ સિંહ ચૌહાણ

મધ્યપ્રદેશની વિદિશા લોકસભા સીટ પરથી ભાજપે પૂર્વ સીએમ શિવરાજ સિંહ ચૌહાણ પર દાવ લગાવ્યો છે, કોંગ્રેસે પ્રતાપ ભાનુ શર્માને ટિકિટ આપી છે. બંને વચ્ચે જોરદાર સ્પર્ધા છે.

બસવરાજ બોમાઈ

ભાજપે કર્ણાટકના પૂર્વ સીએમ બસવરાજ બોમાઈને હાવેરી સીટ પરથી ઉતાર્યા છે. તેઓ આનંદસ્વામી ગદ્દાદેવર્મથ સામે ચૂંટણી લડી રહ્યા છે.

આ ચહેરાઓ પર નજર રાખશે

આ સિવાય AIUDF ચીફ બદરુદ્દીન અજમલ, CPI(M)ના નેતા મોહમ્મદ સલીમ, ભૂતપૂર્વ IPS અધિકારી પ્રસૂન બેનર્જી, કેન્દ્રીય મંત્રી એસપી સિંહ બઘેલ, આદિત્ય યાદવ, અક્ષય યાદવ જેવા અગ્રણી નેતાઓ મેદાનમાં છે.

કેટલી બેઠકો પર થશે મતદાન?

12 રાજ્યોની 93 બેઠકો પર મતદાન થશે, જેમાં ગુજરાત (25 બેઠકો), ઉત્તર પ્રદેશ (10), મહારાષ્ટ્ર (11), આસામ (4), બિહાર (5), છત્તીસગઢ (7), ગોવા (2)નો સમાવેશ થાય છે. કર્ણાટક (14), મધ્યપ્રદેશ (8), પશ્ચિમ બંગાળ (4), દાદરા-નગર હવેલી અને દમણ અને દીવમાં 1-1 સીટો પર મતદાન થશે.

ત્રીજા તબક્કામાં કેન્દ્રીય ગૃહમંત્રી અને ભાજપના ઉમેદવાર અમિત શાહ, સપાના ઉમેદવાર ડિમ્પલ યાદવ, એનસીપી (શરદ પવાર જૂથ)ના ઉમેદવાર સુપ્રિયા સુલે, કોંગ્રેસના નેતા દિગ્વિજય સિંહ, ભાજપના ઉમેદવાર જ્યોતિરાદિત્ય સિંધિયા. સહિત અનેક દિગ્ગજ નેતાઓનું ભાવિ જનતા નક્કી કરશે.