ટ્વિટર પર આલિયા ભટ્ટના ફોલોઅર્સ થયા 90 લાખને પાર

  મુંબઈ: અભિનેત્રી આલિયા ભટ્ટના ટ્વિટર એકાંઉન્ટસ પર તેના ફોલોઅર્સની સંખ્યા 90 લાખને પાર કરી ગઈ છે. અભિનેત્રી હાલ ખૂબ જ ખુશ છે. આલિયાએ ટ્વિટ કરતા તમામ ફેન્સનો આભાર માન્યો હતો. આલિયાએ લખ્યું 90 લાખ લોકોનો પ્રેમ ખરેખર અદ્ભભુત કરે તેવો છે. ફિલ્મકાર મહેશ ભટ્ટ અને અભિનેત્રી સોની રાજદાનની પુત્રી આલિયા ભટ્ટે બાળ કલાકાર તરીકે થ્રિલર ફિલ્મ ‘સંધર્ષ’ માં એક નાનકડી ભૂમિકા ભજવી હતી, ત્યારબાદ કરન જોહરની ફિલ્મ ‘સ્ટુડન્ટ ઓફ ધ યર’ થી સિધ્ધાર્થ મલ્હોત્રા અને વરૂણ ધવન સાથે ફિલ્મી કરિયરની શરૂઆત કરી હતી. આલિયા ‘હાઈવે’ , ‘હમ્પટી શર્મા કી દુલ્હનિયા’, ‘કપૂર એન્ડ સન્સ’ અને ‘ઉડતા પંજાબ’ જેવી ફિલ્મો કરી ચુકી છે. આલિયા ભટ્ટને સોશિયલ મીડિયા સાથે જોડાયેલ રહેવું પસંદ છે, ધણી વખત તે પોતાની જિંદગી સાથે જોડાયેલી વાતો પ્રશંસકો સાથે શેર પણ કરતી રહે છે.